Як піша ТАСС, падчас украінскай атакі на Крым пацярпелі беларусы. Іх колькасць і стан пакуль не называюцца.
Паводле ТАСС, гэта былі турысты, што знаходзіліся на берагавой лініі ў момант абстрэлу.
«Ва ўсіх пацярпелых аскепкавыя раненні. Яны знаходзіліся на берагавой лініі Фароса ў момант атакі. Гэта і нашы мясцовыя жыхары, і госці пасёлка, ёсць таксама грамадзяне Рэспублікі Беларусь. Усю ноч з пацярпелымі і іх блізкімі працаваў псіхолаг, аказваючы неабходную маральную падтрымку ў гэты няпросты час», — гаворыцца ў паведамленні кіраўніка адміністрацыі Ялты Яніны Паўленкі.
Іншых падрабязнасцяў няма.
Расійскі кіраўнік акупаванага Крыма Сяргей Аксёнаў ноччу заявіў пра гібель 3 і раненні 16 чалавек у раёне Фароса.
Украінцы паведамлялі, што беспілотнікі знішчылі рэстаран у элітным крымскім санаторыі «Фарос», які ўчоры быў закрыты на спецабслугоўванне, бо там маглі быць «важныя госці».
Таксама ГУР Украіны сёння заявіў пра знішчэнне двух самалётаў-амфібій і верталёта, суправадзіўшы гэта відэа.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»36
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары