Дарадца Трампа абвінаваціў Індыю ў фінансаванні вайны Расіі супраць Украіны
Намеснік кіраўніка апарату Белага дома Стывен Мілер абвінаваціў Індыю ў фактычным фінансаванні вайны Расіі супраць Украіны шляхам куплі нафты ў Масквы, піша Reuters.
«Што ён [Дональд Трамп] сказаў вельмі выразна, дык гэта тое, што для Індыі непрымальна працягваць фінансаваць гэтую вайну, купляючы нафту ў Расіі», — заявіў Мілер у эфіры тэлеканала Fox News.
Напярэдадні СМІ са спасылкай на крыніцы ў індыйскім урадзе паведамлялі, што Індыя працягне закупляць расійскую нафту, нягледзячы на пагрозы прэзідэнта ЗША Дональда Трампа ўвесці другасныя санкцыі.
14 ліпеня Трамп прыгразіў увесці 100-працэнтныя пошліны для краін, што купляюць расійскую нафту, калі Расія не дасягне мірнага пагаднення з Украінай. 30 ліпеня амерыканскі прэзідэнт анансаваў 25-працэнтныя імпартныя мыты для Індыі — ён абгрунтаваў гэта, між іншым, тым, што Індыя закупляе ў Расіі вайсковую тэхніку і энерганосьбіты.
Расія з’яўляецца найбуйнейшым пастаўшчыком нафты ў Індыю, забяспечваючы каля 35% ад агульнага аб’ёму паставак у гэтую краіну. Паводле дадзеных Reuters, у студзені-чэрвені гэтага года Індыя атрымлівала каля 1,75 млн барэляў расійскай нафты ў дзень, што на 1% больш, чым летась.
-
Сустрэча Трампа і Пуціна будзе, але не факт, што на наступным тыдні
-
Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы
-
«Вайна павінна завяршыцца. І гэта павінна быць сумленнае завяршэнне». Зяленскі расказаў пра размову з Трампам
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары