Папярэдні выпуск быў у маі.
Праз некалькі гадоў перапынку «Падарожжы дылетанта» Юрыя Жыгамонта вярнуліся на ютуб. Першы выпуск быў у маі 2025 года — ён быў прысвечаны Гервятам Гродзенскай вобласці. Відэа сабрала больш за 70 тысяч праглядаў.
Неўзабаве на вядучага абрынулася крытыка прарасійскіх актывістаў. Да цкавання далучыўся і дэпутат Вадзім Гігін, які ў свой час прыклаў руку да таго, каб праграму прыбралі з эфіру Белтэлерадыёкампаніі.
Некалькі месяцаў на ютуб-канале Жыгамонта нічога не выходзіла.
Але ў канцы ліпеня ўсё ж дадаўся новы выпуск. Жыгамонт завітаў у Якубенкі і Задарожжа (Глыбоцкі раён, Віцебская вобласць).
Праграма «Падарожжа дылетанта» — гэта відэапраект, у якім Юрый Жыгамонт падарожнічае па розных беларускіх мясцінах, расказвае пра мінулае, архітэктуру, адметнасці, традыцыі, мясцовыя легенды і духоўную спадчыну. Робіць вядучы гэта з вялізарнай цеплынёй і павагай да беларускай культуры.
Каментары
Таксама цiкава было прачытаць надпiс на сцяне мясцовага касцёла аб яго фундатары: *Krol polski Zygmunt III Waza*, але а нi слова аб тым, што гэны "круль" быу таксама i "вялiкi князь лiтоускi"...