У Мінску купілі дом за 3 мільёны даляраў. Ён у тым раёне, дзе жыве Эйсмант
У «Алімпік парку» ў Мінску ў чэрвені купілі дом больш чым за 3 мільёны даляраў. Гэта самым дарагі дом, прададзены ў Беларусі ў мінулым месяцы і наогул з пачатку года.
Дом знаходзіцца ў катэджнай забудове ЖК «Алімпік Парк» каля заказніка Лебядзіны.
Гэта цагляны катэдж 2020 года. Плошча — 652 квадраты. Яго прадалі за 3,02 мільёна даляраў. Цана за метр — большая за 4,6 тысячы даляраў.
Катэджы ў «Алімпік парку» рэгулярна трапляюць у топ самых дарагіх дамоў Беларусі. Магчыма, цяперашні дом прадаваўся з рамонтам і мэбляй, бо раней цэны прададзеных катэджаў былі каля мільёна даляраў.
Кватэры ў тым раёне таксама дарагія. У 2024 годзе самым дарагім жыллём у Мінску сталі апартаменты плошчай 153 квадратныя метры на Ратамская, 32 якраз у ЖК «Алімпік парк». Яны каштавалі $900 тысяч. У тым доме, дарэчы, жыве Наталля Эйсмант, прэс-сакратарка Аляксандра Лукашэнкі.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну42
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары