Суд у Азербайджане вынес суровыя прысуды журналістам, якія расследавалі бізнэс сям’і Аліева

Шэсць з тых, хто быў прызнаны вінаватым у розных злачынствах, звязаныя з выданнем Abzas Media, якое публікавала расследаванні пра бізнэс азербайджанскага прэзідэнта Ільхама Аліева. Сёмы журналіст працаваў у «Радыё Свабода».

Менавіта з Abzas Media ў 2023 годзе пачалася хваля арыштаў незалежных журналістаў у Азербайджане.

Abzas Media вядома расследаваннямі карупцыі сярод чыноўнікаў.

Яе журналісты, напрыклад, высветлілі, што за будаўніцтвам тэхналагічнай «разумнай вёскі» ў Зангілянскім раёне Азербайджана стаіць кампанія, якая належыць брату памочніка прэзідэнта.

Дырэктар Abzas Media Ульві Гасанлы, галоўны рэдактар выдання Севіндж Вагіфгызы, журналіст-расследавальнік Хафіз Бабалы, а таксама журналіст «Радыё Свабода» і эканаміст Фарыд Мехралізадэ былі прыгавораны да 9 гадоў пазбаўлення волі.

Рэпарцёры Abzas Media Наргіз Абсаламава і Эльнара Гасымава — да 8 гадоў, а намеснік дырэктара Abzas Media Махамад Кекалаў — да 7 гадоў і 6 месяцаў.

Усе яны прыгавораны па розных крымінальных абвінавачаннях, у тым ліку ў кантрабандзе.

Аднак праваабаронцы і самі журналісты тлумачаць іх пераслед імкненнем уладаў Азербайджана прымусіць маўчаць незалежныя СМІ.

У 2022 годзе ў Азербайджане быў прыняты закон, які прыраўняў працу СМІ на замежныя гранты да фінансавага злачынства.

Сам прэзідэнт Аліеў заяўляў, што не дазволіць, каб «нават адзін працэнт» фінансавання сродкаў масавай інфармацыі ішоў з-за мяжы, і апраўдваў новую палітыку імкненнем умацаваць незалежнасць краіны.

Многія арыштаваныя журналісты дагэтуль знаходзяцца ў турме, прысуды ім пакуль не вынесены.

Некаторыя з іх скардзяцца на катаванні і нават на пагрозы знявагай.

Міжнародныя праваабарончыя арганізацыі называюць журналістаў палітычнымі зняволенымі і звяртаюць увагу, што за апошнія гады ў Азербайджане колькасць тых, хто апынуўся за кратамі па палітычных прычынах, павялічылася ў некалькі разоў: ад каля 100 чалавек да 375.

Акрамя таго, Азербайджан за апошнія месяцы выдаліў са сваёй тэрыторыі мясцовыя бюро BBC, «Голас Амерыкі» і прадстаўніцтвы міжнародных арганізацый, уключаючы ААН і «Чырвоны крыж».

Крытыкі звязваюць рэпрэсіі супраць міжнародных арганізацый і незалежных СМІ з тым, што вайна Расіі супраць Украіны пазбаўляе Еўропу магчымасці ціску на Баку.

А ў спробах пазбавіцца ад расійскага газу Еўрасаюза звяртаецца ў тым ліку да Азербайджана.

Падчас візіту ў Баку ў 2022 годзе кіраўнік Еўракамісіі Урсула фон дэр Ляен і кіраўнік знешняй палітыкі ЕС Кая Каллас (у красавіку гэтага года) не казалі пра правы чалавека.

Але называлі Азербайджан — «надзейным» і «ключавым партнёрам» у энергетычнай сферы.

За публічнае ігнараванне арыштаў і цёплыя адносіны з Аліевым лідараў ЕC крытыкуюць як вядомыя азербайджанскія журналісты, так і некаторыя еўрапейскія парламентарыі.

Еўрапарламент у гэтым годзе прыняў рэзалюцыю з патрабаваннем адмовіцца ад азербайджанскага газу — менавіта з-за частых парушэнняў правоў чалавека ў гэтай краіне.

Але гэта толькі адна з мноства рэзалюцый адносна Азербайджана, якія ў розныя гады выносілі розныя структуры. Да спынення рэпрэсій яны не прывялі.

• 0
• 0
• 0
• 0
• 1
• 0
• 1
• 0