Шарэнда-Панасюк асудзіла візіт Келага да Лукашэнкі: Знайшоўся купец, гатовы гандлявацца
Былая палітзняволеная Паліна Шарэнда-Панасюк пракаментавала каналу «Баста!» анансаваны СМІ візіт у Мінск спецпрадстаўніка ЗША па Украіне Кіта Келага. «Атрымліваецца, Лукашэнка — малайчына?» — абураная яна.
Былая палітзняволеная Паліна Шарэнда-Панасюк кажа, што яе стаўленне да гэтага візіту «вельмі негатыўнае».
«Атрымліваецца, Лукашэнка — малайчына? Чвэрць стагоддзя збіраў закладнікаў – і нарэшце знайшоўся купец, гатовы гандлявацца», — кажа яна.
Шарэнда-Панасюк мяркуе, што ў адміністрацыі Трампа, магчыма, ёсць добрыя бізнесмены, «але як палітыкі — яны поўныя прафаны».
«Зноў чуем казкі пра «адрыў рэжыму ад Расіі». Але адрываць там няма чаго: Лукашэнка ў 1994 годзе быў пастаўлены Крамлём і трымаецца выключна на расійскіх штыках. Не будзе і міру ва Украіне з боку абсалютнага сатэліта агрэсара. Келаг павінен разумець: ён едзе да злачынцы і тэрарыста», — кажа Паліна.
«Лукашэнка не мае легітымнасці, і нават сто візітаў Келага гэтага не зменяць», — дадае яна.
Шарэнда-Панасюк заяўляе, што толькі вызваленне закладнікаў і адсутнасць новых можа стаць умовай для прыпынення санкцый, але не адмены іх.
«Поўнае і безумоўнае вызваленне ўсіх беларускіх закладнікаў і мараторый на новыя рэпрэсіі — толькі гэта можа стаць умовай для прыпынення, але не адмены санкцый», — упэўненая яна.
Паліна Шарэнда-Панасюк была затрыманая ў студзені 2021 года і ў чэрвені прысуджаная да двух гадоў пазбаўлення волі паводле арт. 364, 368 і 369 КК (абраза Лукашэнкі і прадстаўніка ўлады, гвалт у дачыненні да міліцыянта). Яна павінна была выйсці на волю ў 2022 годзе, але ёй двойчы дадавалі па году калоніі.
Цяпер чытаюць
Памятаеце фота з мускулістым беларусам, які ў 2020-м ішоў у счэпцы з амапаўцам? Цяпер ён здымаецца ў кіно ў Англіі1
Каментары
якое сёння надвор'е ў вашай краіне ружовых поні ? ці гэта малітва рпц:шная ? якое гэта мае дачыненне да рэчаіснасці