Прынц Рэза Пехлеві выступіў з відэазваротам да народа Ірана, заклікаў да паўстання
Спадчыннік шахскай дынастыі заявіў, што «рэжымны апарат падаўлення рэжыму» рассыпаецца.
Прынц Рэза Пехлеві выступіў з відэазваротам да народа Ірана. Ён заявіў, што Ісламскай Рэспубліцы надыходзіць канец, а Хаменеі «як мыш, схаваўся ў падзямельным бункеры». Ён мяркуе, што «рэжымны апарат падаўлення» разбураецца. Нашчадак колішняга іранскага шаха заклікаў народ «пакласці канец Ісламскай Рэспубліцы праз народнае паўстанне».
Прынц Пехлеві мяркуе, што «тое, што пачалося, незваротна». «Будучыня светлая, і мы разам пройдзем гэты круты паварот гісторыі», — сказаў ён.
Ён таксама сказаў, што ў гэтыя цяжкія дні яго «сэрца з усімі безабароннымі грамадзянамі, якія пацярпелі і сталі ахвярамі ваяўнічасці і ілюзій Хаменеі».
На думку Пехлеві, «канец Ісламскай Рэспублікі — гэта канец яе 46-гадовай вайны з іранскай нацыяй».
Прынц Пехлеві падкрэсліў, што «не варта перажываць пра заўтрашні дзень пасля падзення Ісламскай Рэспублікі». «Іран не будзе пакутаваць ад грамадзянскай вайны і нестабільнасці. У нас ёсць план для будучыні Ірана і яго росквіту. Мы гатовыя да першых ста дзён пасля падзення, пераходнага перыяду і ўсталявання нацыянальнага і дэмакратычнага ўрада для іранскай нацыі і рукамі іранскай нацыі».
64-гадовы Рэза Кір Пехлеві — старэйшы сын апошняга іранскага шаха Махамеда Рэзы Пехлеві, зрынутага Ісламскай рэвалюцыяй 1979 года. Пасля смерці бацькі ў 1980 годзе ён лічыцца галоўнай асобай іранскага манаршага дома ў эміграцыі. Цяпер ён жыве ў ЗША.
«Мы дакладна ведаем, дзе хаваецца так званы Вярхоўны лідар. Ён — лёгкая цэль». Трамп патрабуе капітуляцыі Ірана
Мерц: Ізраіль робіць гэту брудную працу за нас
Хто такі Вярхоўны лідар Ірана аятала Алі Хаменеі і наколькі ўплывовая яго сям'я
Ізраіль забіў і новага кіраўніка Генштаба арміі Ірана. Ён займаў пасаду пару дзён
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця7
Каментары
а можа вас яшчэ ў акопы лука адправіць, чым ужо пужае. карацей, сядзіце роўна, чакайце, ўсё будзе!