Мінскія ўлады нарэшце аб'явілі пра пачатак рамонту Чырвонага касцёла — работы плануюць распачаць у чэрвені. Пра гэта паведаміла начальніца ўпраўлення культуры Мінгарвыканкама Кацярына Лучына.
Вежа Чырвонага касцёла
Паводле слоў чыноўніцы, улады сочаць за станам важных гістарычных будынкаў горада, сярод якіх — Чырвоны касцёл, Пішчалаўскі замак і дамы на вуліцы Чыжэўскіх.
Чыноўніца адзначыла, што ўсе гэтыя будынкі з'яўляюцца гісторыка-культурнай спадчынай, і ім надаецца «належная ўвага». Па яе словах, рамонт Чырвонага касцёла павінны пачать у чэрвені і скончыць у 2026 годзе.
Касцёл святых Сымона і Алены (Чырвоны касцёл) закрыты з верасня 2022 года, яго фактычна забралі ў вернікаў пасля невялікага ўзгарання, якое адбылося пры цьмяных абставінах.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары