Культура99

У Заслаўі да Дажынак зачышчаюць гістарычную забудову, якую бралася ахоўваць дзяржава

На галоўнай вуліцы горада некалькі месяцаў метадычна зносяць усё, што не ўпісваецца ў разуменне чыноўнікаў як нечага каштоўнага. 

Знос экскаватарам дома па Савецкай вуліцы, 45 у Заслаўі. Скрыншот відэа.

Выданне «Заславль Инфо» апублікавала ролік, у якім экскаватарам зносіцца драўляны будынак па вуліцы Савецкай, 45.

Як адзначае тэлеграм-канал «Спадчына», гэты будынак пачатку XX стагоддзя на рагу вуліц Савецкай і Пуцейкі яшчэ ў мінулым дзесяцігоддзі лічыўся гісторыка-культурнай каштоўнасцю і ахоўваўся дзяржавай.

Будынак быў пабудаваны ў 1927 годзе недалёка ад чыгуначнай станцыі «Беларусь». Тады побач з Заслаўем праходзіла дзяржаўная польска-савецкая мяжа і гэта была першая станцыя на тэрыторыі Беларусі, на якую трапляў цягнік з Польшчы — адсюль і такая патрыятычная назва. Будаўніцтва гэтага дома звязваюць з дзейнасцю памежнай службы, то бок яго гісторыя дапаўняе гісторыю горада міжваеннага часу.

Дом №45 у 1994 годзе быў узяты пад ахову як помнік гісторыі і культуры, а ў 2007 годзе перанесены ў новаствораны Дзяржаўны спіс гісторыка-культурных каштоўнасцей Беларусі. У статусе помніка ён праіснаваў роўна трыццаць гадоў — да 2014 года, калі быў пазбаўлены аховы пры падрыхтоўцы горада да Дня беларускага пісьменства. 

Будынак у забудове Савецкай вуліцы. Фота: Wikimedia Commons

Той жа лёс напаткаў дарэвалюцыйныя будынкі карчмы і аптэкі, які размяшчаліся трохі далей па вуліцы, за чыгуначным пераездам, на рагу з Паштовай вуліцай. Гэтыя колішнія помнікі былі гэтак жа знесены ў лютым-сакавіку гэтага года. 

Зачыстка гістарычнай забудовы адбываецца ў межах добраўпарадкавання горада да абласных «Дажынак», якія Заслаўе прыме сёлета.

Карчма і крама па Савецкай вуліцы ў Заслаўі перад зносам. Фота: тэлеграм-канал «Спадчына»
Рэшткі знесенай карчмы ў Заслаўі. Фота: тэлеграм-канал «Спадчына»

Свята працаўнікоў сяла ўжо не адно дзесяцігоддзе канчаецца для райцэнтраў адчувальнымі стратамі гістарычнай забудовы, якая выглядае для чыноўнікаў недастаткова прывабна. 

Згодна з Кодэксам аб культуры, пазбавіць помнік статусу можна, калі ён быў знішчаны або страціў адметнасці, якія абумовілі яму наданне статусу, і немагчымае ягонае навукова абгрунтаванае аднаўленне. Паколькі будынкі з 1994 года, калі яны атрымалі статус, ніяк не змяніліся, а іх выгляд добра вядомы, выключэнне са спісу з'яўляецца незаконным. 

«Наша Нiва» — бастыён беларушчыны

ПАДТРЫМАЦЬ

Каментары9

  • %
    30.05.2025
    Гэта і есьць абарона, вы проста не разумееце нічога. Як там у сталінскі час казалі/пісалі - Смертная казнь — это высшая мера социальной защиты. Ну вось так і тут - руйнаваньне гэта мера найвышэйшай абароны на лапіку лукашенкаўскай зямлі.
  • Ягоная ФИма Собак
    30.05.2025
    >ягонае навукова абгрунтаванае
    ---
    А чаму здзіўляцца, калі вы самі гвалціце мову размоўнымі словамі, ні ў якім СМІ/творах/размоўнай мове/слоўніку, ------ НІЯК і нікім НЕ АБРУНТАВАНЫМІ !--------
    ---
    ён, яго, яму, ім, аб ім, м.; ж. яна, яе, ёй, яе, ёй (ёю), аб ёй; н. яно, яго, яму, яго, ім, аб ім; мн. яны, іх, ім, іх, імі, аб іх; займ. асаб.
    1. Указвае на прадмет гаворкі (выключаючы субяседнікаў).
    2. толькі Р. Ужыв. ў знач. прыналежнага займенніка.
    Яго кніга.
    3. У спалучэнні з часціцай «вось» набывае ўказальны характар.
    Вось яна - родная вёска!
  • Ганка
    30.05.2025
    Калі гэтыя баракі - гістарычная каштоўнасьць, дык трэба ўжо і хрошчоўкі назваць каштоўнасьцю, а праз 100 гадоў - і ўсе менскія панэлькі. Каштоўнасьць - гэта ня толькі старына. Гэта прыгожая старына.

Цяпер чытаюць

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада6

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Усе навіны →
Усе навіны

Змерайце сваю талію і рост — гэтыя дзве лічбы шмат скажуць пра ваша здароўе

Урад вызначыўся з пераносам працоўных дзён у наступным годзе

Учора ў Мінску прапаў хлопчык, які не размаўляў

«Чаму ты адключыў рухавікі?» Папярэдні даклад аб катастрофе самалёта Air India выклікаў яшчэ больш спрэчак4

«Разам адкрывалі кантынент беларушчыны». Вінцук Вячорка згадаў пра Эдварда Зайкоўскага3

На Валыні разбіўся французскі знішчальнік Mirage4

Прэм'еру і спікеру Сейма Літвы прыпомнілі, што яны 17 гадоў таму ездзілі ў Беларусь6

Падчас урагану ў Магілёве вецер знёс сабачую будку разам з сабакам1

Памёр спявак Озі Осбарн14

больш чытаных навін
больш лайканых навін

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада6

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Галоўнае
Усе навіны →

Заўвага:

 

 

 

 

Закрыць Паведаміць