U Zasłaŭi da Dažynak začyščajuć histaryčnuju zabudovu, jakuju brałasia achoŭvać dziaržava
Na hałoŭnaj vulicy horada niekalki miesiacaŭ mietadyčna znosiać usio, što nie ŭpisvajecca ŭ razumieńnie čynoŭnikaŭ jak niečaha kaštoŭnaha.
Vydańnie «Zasłavl Info» apublikavała rolik, u jakim ekskavataram znosicca draŭlany budynak pa vulicy Savieckaj, 45.
Jak adznačaje telehram-kanał «Spadčyna», hety budynak pačatku XX stahodździa na rahu vulic Savieckaj i Puciejki jašče ŭ minułym dziesiacihodździ ličyŭsia historyka-kulturnaj kaštoŭnaściu i achoŭvaŭsia dziaržavaj.
Budynak byŭ pabudavany ŭ 1927 hodzie niedaloka ad čyhunačnaj stancyi «Biełaruś». Tady pobač z Zasłaŭjem prachodziła dziaržaŭnaja polska-savieckaja miaža i heta była pieršaja stancyja na terytoryi Biełarusi, na jakuju traplaŭ ciahnik z Polščy — adsiul i takaja patryjatyčnaja nazva. Budaŭnictva hetaha doma źviazvajuć ź dziejnaściu pamiežnaj słužby, to bok jaho historyja dapaŭniaje historyju horada mižvajennaha času.
Dom №45 u 1994 hodzie byŭ uziaty pad achovu jak pomnik historyi i kultury, a ŭ 2007 hodzie pieraniesieny ŭ novastvorany Dziaržaŭny śpis historyka-kulturnych kaštoŭnaściej Biełarusi. U statusie pomnika jon praisnavaŭ roŭna tryccać hadoŭ — da 2014 hoda, kali byŭ pazbaŭleny achovy pry padrychtoŭcy horada da Dnia biełaruskaha piśmienstva.
Toj ža los napatkaŭ darevalucyjnyja budynki karčmy i apteki, jaki raźmiaščalisia trochi dalej pa vulicy, za čyhunačnym pierajezdam, na rahu z Paštovaj vulicaj. Hetyja kolišnija pomniki byli hetak ža źniesieny ŭ lutym-sakaviku hetaha hoda.
Začystka histaryčnaj zabudovy adbyvajecca ŭ miežach dobraŭparadkavańnia horada da abłasnych «Dažynak», jakija Zasłaŭje prymie sioleta.
Śviata pracaŭnikoŭ siała ŭžo nie adno dziesiacihodździe kančajecca dla rajcentraŭ adčuvalnymi stratami histaryčnaj zabudovy, jakaja vyhladaje dla čynoŭnikaŭ niedastatkova pryvabna.
Zhodna z Kodeksam ab kultury, pazbavić pomnik statusu možna, kali jon byŭ źniščany abo straciŭ admietnaści, jakija abumovili jamu nadańnie statusu, i niemahčymaje jahonaje navukova abhruntavanaje adnaŭleńnie. Pakolki budynki z 1994 hoda, kali jany atrymali status, nijak nie źmianilisia, a ich vyhlad dobra viadomy, vyklučeńnie sa śpisu źjaŭlajecca niezakonnym.
«Naša Niva» — bastyjon biełaruščyny
PADTRYMAĆCiapier čytajuć
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ20
Kamientary
---
A čamu ździŭlacca, kali vy sami hvałcicie movu razmoŭnymi słovami, ni ŭ jakim ŚMI/tvorach/razmoŭnaj movie/słoŭniku, ------ NIJAK i nikim NIE ABRUNTAVANYMI !--------
---
jon, jaho, jamu, im, ab im, m.; ž. jana, jaje, joj, jaje, joj (joju), ab joj; n. jano, jaho, jamu, jaho, im, ab im; mn. jany, ich, im, ich, imi, ab ich; zajm. asab.
1. Ukazvaje na pradmiet havorki (vyklučajučy subiasiednikaŭ).
2. tolki R. Užyv. ŭ znač. prynaležnaha zajmieńnika.
Jaho kniha.
3. U spałučeńni z čaścicaj «voś» nabyvaje ŭkazalny charaktar.
Voś jana - rodnaja vioska!