Вольга Лойка: Санкцыі на беларускія калійныя ўгнаенні могуць быць помстай з боку Расіі
У новым аналітычным выпуску ТОКу эканамічная аглядальніца Вольга Лойка выказала канспіралагічную версію ўвядзення санкцый на беларускія калійныя ўгнаенні.
Разважаючы пра магчымасці зняцця санкцый з Беларусі, эканамічная аглядальніца Вольга Лойка выказала, па яе словах, канспіралагічную версію аб тым, што літоўскія і еўрапейскія санкцыі на беларускі калій — гэта «крэатура ў тым ліку рускіх, бо атрымалася сапраўды дастаткова дзіўна — расійскія калійныя ўгнаенні не забаронены, Еўропа іх купляе».
Як вядома, пасля таго, як Літва закрыла магчымасць транзіту беларускіх угнаенняў праз яе парты, Беларусь выкарыстоўвае расійскі порт Усць-Луга, які з'яўляецца вотчынай асноўнага канкурэнта «Беларуськалія» — «Уралкалія».
«Былі падазрэнні, былі заявы «ну глядзіце, гэта ж нашы калегі, сябры, мы можам вазіць свой беларускі калій пад выглядам расійскага калію». Але нічога такога, мяркуючы па ўсім, не адбываецца», —
адзначае Лойка і даводзіць, што, на яе погляд, гэта зусім не выпадкова:
«Я не выключаю таго, што ўся гэтая схема і ўплыў рускіх — гэта вельмі настаялая, вельмі халодная, узважаная і разважлівая помста за 2013 год».
Як згадвае Лойка, у 2013 годзе «Расія з'ела жорсткі, грубы, відавочна недружалюбны наезд Беларусі з развалам Беларускай калійнай кампаніі, створанай двума саюзнікамі, сябрамі».
Тады Беларусь аднабакова спыніла супрацоўніцтва ў межах агульнай калійнай кампаніі. Яна абвінаваціла расіян у празмерным карысталюбстве і абмежаванні даходаў. Быў арыштаваны расійскага топ-менеджар Уралкалія — Баўмгертнер. Іншыя топ-менеджары былі абвешчаны ў міжнародны вышук праз Інтэрпал.
Хоць канфлікт праз некалькі месяцаў згарнуўся і Баўмгертнэра адпусцілі, адчуванне «асадачку» засталося:
«Было тады цікава, наколькі ўвогуле Расія гатовая гэта ўсё цярпець. Вашага топ-менеджара саджаюць у «амерыканку», публічна зневажаюць, паказваюць відэа, дзе ён стаіць на расцяжцы. Здавалася, што крыўда такая ёсць».
Лойка прыгадвае, што праз чатыры-пяць гадоў пасля эпапеі задавала пытанне на гэты конт тым, каго яна закранула з расійскага боку. Яны гаварылі, што ніякага асадачку не засталося. Па яе словах, бізнэсмены заўважылі, што прызвычаіліся да таго, што іх нехта кідае, крыўдзіць, прыніжае.
«Але нехта мог затаіць крыўду», — лічыць Лойка.
«З тых часоў кампанія памяняла ўладальніка на прыватнага, але дастаткова блізкага да дзяржавы. Тэма Беларусі ёй не чужая. Я б сказала, што не выключаю гэтую версію, не лічу яе чыста канспіралагічнай. Бо і тэма ёсць, і матыў ёсць», — даводзіць сваю пазіцыю Лойка і дадае:
«Тое, што беларусам дастаткова некамфортна ва Усць-Лузе, таксама відавочна. І таму жаданне дамовіцца [з Захадам] ў Лукашэнкі павінна быць дастаткова вялікім».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1919
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс19
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары
А як зняць ці паслабіць санкцыі з Белкалія то візг на ўсю Эўропу. І гэта пры тым што Уралкалій не пад санкцыямі.
Калій з Масковіі не пад санкцыямі.