Беларусы, якія робяць шэнгенскія візы праз Іспанію, сутыкнуліся з праблемай
У візавым цэнтры Іспаніі ў Мінску ўзніклі праблемы з лагістыкай. Інакш цяжка патлумачыць, чаму дастаўка дакументаў з Мінска ў Маскву займае каля сямі дзён — і столькі ж у зваротным кірунку, піша тэлеграм-канал «Визовый крот».
Фота: tuda-suda.by
З-за гэтых затрымак, як адзначаецца, людзі не паспяваюць атрымаць пашпарты своечасова, таму ў іх зрываюцца паездкі, згараюць білеты, браніраванні і адпачынкі.
Іспанскае консульства ў Маскве пачынае лічыць тэрміны разгляду не з дня падачы дакументаў у Мінску, а з таго моманту, калі яны фактычна трапляюць у Маскву.
Таму вельмі важна планаваць усё загадзя, бо зараз ад моманту падачы дакументаў у Мінску да атрымання пашпарта можа прайсці 6—7 тыдняў, папярэджвае «Визовый крот».
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай34
Каментары