Спыненне агню сёння або новыя санкцыі. Германія паставіла Пуціну ультыматум
Урад Германіі ў каардынацыі з еўрапейскімі партнёрамі падрыхтуе новыя санкцыі, калі спыненне агню не будзе дасягнута сёння, заявіў яго афіцыйны прадстаўнік Штэфан Карнеліус на брыфінгу ў Берліне, піша Bild.
«Час пайшоў, у нас засталося 12 гадзін да канца дня», — сказаў ён.
Вядучыя еўрапейскія дзяржавы лічаць, што цяпер адказнасць за прасоўванне да міру ва Украіне ляжыць на Расіі.
«Германія чакае ад Расіі неадкладнага перамір’я, а затым гатоўнасці да перамоў. Украіна да гэтага гатовая. Цяпер усё зразумела: Расія павінна зрабіць крок насустрач», — заявіў міністр замежных спраў ФРГ Ёган Вадэфуль.
Раней прэзідэнт Францыі Эмануэль Макрон таксама папярэдзіў пра «маштабныя» санкцыі з боку Еўропы і ЗША ў выпадку адмовы Расіі ад перамір’я, а канцлер Нямеччыны Фрыдрых Мерц дадаў да гэтага, што будзе працягнутая маштабная ваенная дапамога Украіне.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў4
Каментары
Галоўнае, каб Еўропа не злілася, працягвала ў такім жа тэмпе.