Такую гістарычную рэканструкцыю ў Гродне пакажуць упершыню. Ролю нямецкага будынка сыграе ДК Тэкстыльшчыкаў.
Дэталі таго, што ўбачаць гродзенцы і госці горада 4 мая на плошчы Савецкай, распавёў «Гродзенскай праўдзе» старшыня аблвыканкама Юрый Караеў.
Паводле яго слоў, ролю салдат Чырвонай Арміі і нямецкай сыграюць вайскоўцы і ўдзельнікі клубаў гістарычнай рэканструкцыі. Чакаецца больш за сто ўдзельнікаў, а таксама паўтара дзясятка ваеннай тэхнікі таго часу.
Удзельнікі клубаў гістарычнай рэканструкцыі прывязуць аўтэнтычную форму і зброю, будзе і тэхніка таго часу, уключаючы танк Т-34, нямецкі бронетранспарцёр.
Гродзенскі дом культуры «загрыміравалі» пад Рэйхстаг, на ім узвядуць купал, над якім у канцы 20-хвіліннай рэканструкцыі падымуць чырвоны сцяг.
Як распавёў гродзенскі губернатар Юрый Караеў, «глыбокім па сэнсе будзе і эпізод з палявымі кухнямі».
— Нашы палявыя кухні будуць карміць мірных жыхароў, якія выйшлі з руінаў будынка — немак, дзяцей — нашай савецкай кашай. Гэта акт гуманізму: мы не забівалі, не гвалтавалі, у адрозненне ад таго, што яны зрабілі з намі, — распавёў Юрый Караеў.
Ці будуць паліць у канцы гродзенскі «рэйхстаг», не паведамляецца.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі29
Каментары