Takuju histaryčnuju rekanstrukcyju ŭ Hrodnie pakažuć upieršyniu. Rolu niamieckaha budynka syhraje DK Tekstylščykaŭ.
Detali taho, što ŭbačać hrodziency i hości horada 4 maja na płoščy Savieckaj, raspavioŭ «Hrodzienskaj praŭdzie» staršynia abłvykankama Juryj Karajeŭ.
Pavodle jaho słoŭ, rolu sałdat Čyrvonaj Armii i niamieckaj syhrajuć vajskoŭcy i ŭdzielniki kłubaŭ histaryčnaj rekanstrukcyi. Čakajecca bolš za sto ŭdzielnikaŭ, a taksama paŭtara dziasiatka vajennaj techniki taho času.
Udzielniki kłubaŭ histaryčnaj rekanstrukcyi pryviazuć aŭtentyčnuju formu i zbroju, budzie i technika taho času, uklučajučy tank T-34, niamiecki bronietransparcior.
Hrodzienski dom kultury «zahrymiravali» pad Rejchstah, na im uźviaduć kupał, nad jakim u kancy 20-chvilinnaj rekanstrukcyi padymuć čyrvony ściah.
Jak raspavioŭ hrodzienski hubiernatar Juryj Karajeŭ, «hłybokim pa sensie budzie i epizod z palavymi kuchniami».
— Našy palavyja kuchni buduć karmić mirnych žycharoŭ, jakija vyjšli z ruinaŭ budynka — niemak, dziaciej — našaj savieckaj kašaj. Heta akt humanizmu: my nie zabivali, nie hvałtavali, u adroźnieńnie ad taho, što jany zrabili z nami, — raspavioŭ Juryj Karajeŭ.
Ci buduć palić u kancy hrodzienski «rejchstah», nie paviedamlajecca.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki26
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary