Літва не будзе спяшацца з адказам на прапанову Беларусі аднавіць пасажырскія чыгуначныя зносіны
Кіраўнік урада Літвы Гінтаўтас Палуцкас заявіў, што адпаведную прапанову разглядаюць «у кантэксце ўсіх санкцый, вайны ва Украіне і адносін Еўрасаюза з Расіяй», паведамляе LRT.
«Таму з адказам на гэтыя прапановы спяшацца не будзем», — сказаў прэм'ер Літвы журналістам 28 красавіка.
«Гэта працоўны працэс. Калі паступае прапанова, яна разглядаецца ў кансультацыі з Міністэрствам замежных спраў, якое адказвае за санкцыі, а канчатковае рашэнне прымае ўрад. Так што вы пачулі маё меркаванне», — заявіў Гінтаўтас Палуцкас.
Прадстаўнік міністэрства транспарту Лукас Пашкявічус таксама пацвердзіў LRT, што прапанова разглядаецца — чакаюцца заключэнні Міністэрства ўнутраных спраў, Міністэрства замежных спраў і Дэпартамента дзяржаўнай бяспекі.
Пра тое, што Беларуская чыгунка прапанавала Польшчы, Літве і Латвіі аднавіць прамыя пасажырскія перавозкі, паведаміла 21 красавіка прэс-служба БЧ.
Раней яны былі прыпыненыя ў 2020 годзе праз пандэмію COVID-19, але пасля так і не аднавіліся ўжо па палітычных прычынах.
Белчыгунка прапанавала Літве, Польшчы і Латвіі аднавіць чыгуначнае злучэнне
Прапаганда паказала ад’езд айцішнікаў з вакзала ў 2022 годзе, зняты схаванай камерай
У Літве ўрад хоча дазволіць работнікам браць бальнічныя на даверы, без паходаў у паліклініку
На Польшчу — да 15 гадзін, у Літву — без чэргаў. Чаго чакаць пасажырам аўтобусаў на мяжы?
Каментары