Камін пасярод гасцінай, басейн, стылістыка шале — сапраўдны хатні рай.
Дом размешчаны недалёка ад Нацыянальнай бібліятэкі на вуліцы Глебава. Дом ацэнены ў рэкордныя $3,3 мільёна, піша Onliner.by.
Будынак стаіць на скрыжаванні вуліц Язмінавай і Глебава. Гэта частка невялікага кластару элітнай забудовы ў межах сталіцы: з аднаго боку — лес, з другога — Сляпянская водная сістэма. Удалечыні відаць шматпавярховікі на вуліцы Скарыны, алмаз бібліятэкі і «Маяк Мінска». Але тут — цішыня і спакой.
Дом узведзены ў 2018 годзе. Ён аднапавярховы, але прасторны — агульная плошча складае 524 кв.м. У ім размясціліся пяць пакояў і дадатковыя памяшканні.
«Прастора гасцінай створана для максімальнага камфорту і адпачынку. Пад высокімі столямі, напоўненымі натуральным святлом, лёгка расслабіцца, назіраючы за жывым полымем у каміне», — апісвае рыэлтар.
Асобная спа-зона складаецца з вялікага басейна, саўны і пакоя адпачынку з печкай.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары