Кіраўнік Telegram пракаментаваў вяртанне з Францыі ў Дубай.
«Як вы, магчыма, чулі, я вярнуўся ў Дубай пасля некалькіх месяцаў, праведзеных у Францыі, з-за расследавання, звязанага з дзейнасцю злачынцаў у Telegram. Працэс працягваецца, але прыемна вярнуцца дадому», — напісаў заснавальнік Telegram Павел Дураў у сваім канале.
У суботу стала вядома, што Дураву дазволілі часова пакінуць Францыю, і з дазволу ўладаў ён з’ехаў у Дубай.
Дураў быў затрыманы ў жніўні мінулага года ў Францыі, яму прад’явілі абвінавачванні, звязаныя з злоўжываннямі ў Telegram, і забаранілі пакідаць краіну.
«Я хачу падзякаваць следчым суддзям за тое, што яны дазволілі гэтаму адбыцца, а таксама маім адвакатам і камандзе за іх нястомныя намаганні, накіраваныя на тое, каб даказаць, што ў пытаннях мадэрацыі, супрацоўніцтва і барацьбы са злачыннасцю Telegram на працягу многіх гадоў не толькі выконваў, але і пераўзыходзіў свае юрыдычныя абавязацельствы», — адзначыў Дураў.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
Т.б. існуе юрыдычны механізм, які можа пазбавіць карыстальнікаў Telegram ад ботаў, прапануючых распаўсюд наркотыкаў у Беларусі, а ахоўную зону беларускай чыгункі і прылеглыя да яе пабудовы ад надпісаў з рэкламай гэтых телеграм-ботаў?