Зянон Пазняк: Ні беларусам, ні асабліва ўкраінцам нельга ахайваць Трампа
Ветэран беларускага руху даў нядзельную ўстаноўку сваім прыхільнікам, у якой заклікаў не злаваць Амерыку і Трампа.
Лідар руху «Вольная Беларусь» і кандыдат у прэзідэнты — 1994 Зянон Пазняк засцярог сваіх падпісчыкаў ад крытыкі ЗША і Дональда Трампа.
«Ні беларусам, ні асабліва ўкраінцам нельга ахайваць Амерыку і законна выбранага амерыканскім народам прэзідэнта Дональда Трампа. Ніхто не мае права зневажаць асобу і ганьбіць вялікую дэмакратычную краіну, ад якой залежаць лёсы свету. Усё, што робіць і што будзе рабіць прэзідэнт Трамп, ідзе на карысць Украіны і ўрэшце можа стаць яе паратункам», — тлумачыць Пазняк.
Ён пералічвае стратэгічныя нацыянальныя інтарэсы Беларусі на цяперашнім гістарычным этапе:
1) Ацалець як нацыі і зберагчы нашу дзяржаву Беларусь.
2) Не даць зацягнуць Беларусь у чужую вайну.
3) Пазбавіцца ад акупацыйнага лукашысцкага рэжыму і разбуральнага ўплыву Расіі.
Пазняк тлумачыць, што адзіная краіна, якая магла б дапамагчы беларусам утрымацца і нават дасягнуць будучыні, — гэта ЗША. І, адпаведна, Трамп.
Ён спадзяецца, што ў Беларусь пацякуць амерыканскія інвестыцыі, узамен на зняцце санкцый выйдуць на свабоду палітвязні, а Беларусь атрымае кампенсацыі за санкцыі.
Пазняк перакананы, што перамовы аб міры пачнуцца. На яго думку, у беларускіх і ўкраінскіх нацыянальных інтарэсах, каб гэтыя перамовы адбываліся ў Мінску, у Беларусі.
«Будучыня будзе (павінна стаць) толькі такой, беларускай і сваёй, бо іншай будучыні ў гэтых абставінах не можа быць», — падсумоўвае Пазняк свой зварот пад назвай «Беларусь перадусім».
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары
Стратэгічныя нацыянальныя інтарэсы Беларусі на цяперашнім гістарычным этапе:
1) Ацалець як нацыі і зберагчы нашу дзяржаву Беларусь.
2) Не даць зацягнуць Беларусь у чужую вайну.
3) Пазбавіцца ад акупацыйнага лукашысцкага рэжыму і разбуральнага ўплыву Расіі.