У горадзе Джыда пачынаюцца перамовы паміж дэлегацыямі Украіны і ЗША адносна ўрэгулявання вайны з Расіяй, піша «Еўрапейская праўда» са спасылкай на МЗС Украіны.
МЗС Украіны апублікавала відэа, на якім украінская дэлегацыя, уключаючы кіраўніка Офіса прэзідэнта Украіны Андрэя Ермака, яго намесніка Паўла Палісу, кіраўніка МЗС Андрэя Сібігу і кіраўніка Мінабароны Рустэма Умерава, заходзіць у перамоўную залу.
У МЗС Украіны адзначалі, што перамовы Украіны і ЗША ў Саудаўскай Аравіі будуць датычыцца двухбаковых адносін і шляхоў да міру.
Дзяржаўны сакратар ЗША Марка Рубіа заявіў 10 сакавіка, што Украіне давядзецца пайсці на саступкі адносна тэрыторый, якія Расія захапіла з 2014 года, у рамках любой дамовы аб спыненні вайны.
Паводле звестак СМІ, Украіна прапануе ЗША план часовага спынення агню ў паветры і на моры, а таксама ўдараў па энергетычных і грамадзянскіх аб’ектах інфраструктуры.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары
...
а пешапачаткова казалі, што амерыка там не ваюе