Чарговая ноч пантыфіка ў шпіталі прайшла спакойна. Напярэдадні паведамлялася, што стан яго здароўя стабілізуецца, хоць сітуацыя застаецца сур’ёзнай, паведамляюць Навіны Ватыкана.
Людзі моляцца за здароўе Папы на плошчы святога Пятра. Фота: Mosa'ab Elshamy / AP
«Папа добра адпачываў усю ноч», — гаворыцца ў кароткім паведамленні Залы друку Апостальскай Сталіцы, якое было апублікавана сёння раніцай.
У афіцыйным медыцынскім бюлетэні, які быў абнародаваны напярэдадні ўвечары, адзначалася, што стан здароўя Францішка застаецца стабільным. Пантыфіку, які ў пятніцу меў эпізод бронхаспазму, больш не патрабуецца механічная вентыляцыя лёгкіх, а толькі высокапаточная кіслародная тэрапія. Тым не менш, з улікам складанай клінічнай сітуацыі, прагноз застаецца асцярожным.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай2
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары