У Драздах прадаецца дом за $4 мільёны. Яго будаваў для сябе экс-міністр унутраных спраў Навумаў ФОТЫ
Пакупнікоў завабліваюць добразычлівымі суседзямі — напрыклад, экс-старшынёй КДБ Беларусі.
У базах беларускіх агенцтваў нерухомасці з’явілася аб’ява аб продажу дома на Агатавым завулку — у наменклатурным раёне Дразды. Гэта катэдж, які ў сярэдзіне 2000-х атрымала сям’я тагачаснага міністра ўнутраных спраў Уладзіміра Навумава. Элітнае жыллё ад пачатку была зарэгістравана на жонку міністра Алу Навумаву. Так рабілі многія чыноўнікі — каб мінімізаваць рызыку канфіскацыі жылля пры магчымым арышце. Як вядома «Нашай Ніве», як мінімум па стане на 2020 год Навумавы працягвалі заставацца гаспадарамі катэджа.
«Дом пабудаваны па індывідуальным праекце. Выкананы якасны рамонт з дарагіх, сучасных матэрыялаў: італьянская плітка, падлога — паркет з самай цвёрдай пароды дрэва, сантэхніка нямецкая, мэбля італьянская, вокны — драўляныя шклопакеты з лістоўніцы», — гаворыцца ў аб’яве.
Адзначаецца, што новыя ўласнікі катэджа займеюць і добразычлівых суседзяў. Цалкам магчыма — па баках жывуць сем’і колішняга старшыні Вышэйшага гаспадарчага суда Віктара Камянкова і экс-старшыні КДБ Леаніда Ерына.
Уладзімір Навумаў нарадзіўся ў 1956 годзе ў Смаленску. З 1976 — у сістэме МУС. У 1991-1997 кіраваў АМАПам, у 1997 — 1999 — камандзір «Алмаза», у 1999-2000 — начальнік Службы бяспекі Лукашэнкі. У 2000-2009 — міністр унутраных спраў. Паралельна ў 2001-2010 узначальваў федэрацыю хакея Беларусі. Па стане на 2024 год Навумава належала 75% зарэгістраванай у Маскве кампаніі «Зорка Фуд», якая гандлюе зернем у акупаваным Марыупалі.
«Дразды-3». Як у пасёлку пад Мінскам пасяліліся Галоўчанка, Глаз, Янчэўскі, Кавальчук і іншая лукашэнкаўская эліта
Сям'я міністра прадае палову катэджа ў Драздах. Хоча аж $780 тысяч! ФОТА
Гэты катэдж у Драздах сям’я футбольнага трэнера прадала за $800 тысяч ФОТАФАКТ
Ад Абельскай да Ярмошынай: 112 уладальнікаў катэджаў у Драздах, поўны спіс
Каментары