Трамп не плануе пакідаць Кіеў без падтрымкі, бо баіцца новага Афганістана
У еўрапейскіх саюзнікаў Кіева з'явіўся асцярожны аптымізм з нагоды пазіцыі абранага прэзідэнта ЗША Дональда Трампа ва ўкраінскім пытанні. З'явілася надзея, што Трамп не стане прымушаць Украіну да нявыгадных перамоваў з Расіяй, піша агенцтва Bloomberg.
Суразмоўцы Bloomberg адзначаюць, што абраны прэзідэнт ЗША Дональд Трамп выказаў зацікаўленасць у ажыццяўленні «здзелкі стагоддзя», калі гаворка ішла пра Украіну. Акрамя таго, ён крытыкуе паводзіны прэзідэнта Расіі Уладзіміра Пуціна, хоць і імкнецца наладзіць з ім кантакт.
Мацней за ўсё, з іх слоў, на паплечнікаў Трампа паўплывалі два аргументы: пры хуткім укладанні ўгоды з саступкамі Уладзіміру Пуціну новы прэзідэнт ЗША рызыкуе апынуцца ў зневажальным становішчы, параўнальным з тым, у якім апынуўся Джо Байдэн у выніку паспешнага і дрэнна прадуманага вываду амерыканскіх войскаў з Афганістана. Калі дазволіць Пуціну атрымаць такую перамогу, гэта толькі заахвоціць Кітай паводзіць сябе больш агрэсіўна.
Пры гэтым, агаворваюцца крыніцы Bloomberg, яны не ведаюць, што будзе рабіць сам Трамп, які падчас свайго першага прэзідэнцтва ўжо дэманстраваў нежаданне прыслухоўвацца да дарадцаў і мяняў рашэнні ў апошнюю хвіліну.
Са слоў суразмоўцаў Bloomberg, у Еўрасаюзе «пранікліся асцярожным аптымізмам» у сувязі з уражаннем, што абраны прэзідэнт ЗША не збіраецца «кідаць» Украіну. Са слоў чыноўнікаў, усе бакі прызнаюць, што мірнае пагадненне павінна ўключаць гарантыі бяспекі для Украіны.
Зрэшты, у саміх членаў каманды новага прэзідэнта няма нават прыкладнага плана ўрэгулявання канфлікту, які можна было б пачаць рэалізоўваць пасля яго інаўгурацыі 20 студзеня, кажуць еўрапейскія і ўкраінскія чыноўнікі.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары