Літаратура33

Адкрыўся перадзаказ на новую кнігу пра Гары Потэра па-беларуску

Выдавецтва «Янушкевіч» паведаміла, што 8 лютага 2025 года пабачыць свет кніга «Гары Потэр і Келіх агню», чацвёртая кніга са знакамітай серыі Джаан Роўлінг. З сённяшняга дня на сайце knihauka.com выдавецтва абвясціла папярэдні заказ асобна на чацвёртую кнігу і на ўсе кнігі разам.

Пераклад з англійскай мовы гэтай часткі «Гары Потэра» выканала Алена Пятровіч, мастацкае афармленне Браяна Сэлзніка (ЗША) з адаптацыяй Крысціны Іванцовай.

Кніга змяшчае ажно 712 старонак. Будуць дадрукаваныя ў цвёрдай вокладцы і 3 папярэднія кнігі серыі.

Выдавецтва нагадвае, што атрыманне працягу правоў на беларускае выданне серыі пра Гары Потэра гэтым разам ішло з баямі дзеля таго, што Вялікабрытанія ўвяла строгія санкцыі ў адносінах да Беларусі як краіны-суагрэсара, прытым вельмі прынцыповую пазіцыю заняла сама аўтарка кнігі.

Урэшце з дапамогай калег і сяброў выдавецтву «Янушкевіч» удалося даказаць брытанцам, што выданне «Гары Потэра» на беларускай мове і рэжым Лукашэнкі — з'явы не толькі не тоесныя, але нават супрацьлеглыя.

Але новы кантракт заключаны на даволі жорсткіх умовах. Выдадзеныя па беларуску кнігі Джаан Роўлінг будуць эксклюзіўна прадавацца толькі на некалькіх пляцоўках: у кнігарні «Кнігаўка» ў Варшаве, інтэрнэт-краме knihauka.com, маркетплэйсах Allegro і Amazon. На тэрыторыі Беларусі і Расіі іх прадаваць забаронена, таму поштай выдавецтва туды дасылаць кнігі не зможа.

«Спадзяёмся, што, нягледзячы на гэтыя перашкоды, нашы чытачы на радзіме знойдуць рашэнні, як набыць і атрымаць новыя выданні», — адзначае выдавецтва «Янушкевіч».

Каментары3

  • Ура!
    23.12.2024
    Цудоўная навіна, дзякуй!
  • Аліна
    24.12.2024
    Cмешныя ўмовы. Праваўладальнікі як піянеры сябе паводзяць. А гэтыя яшчэ гнуцца пад іхныя ўмовы. Не выдаваць. Тым больш, што гэта другасортная літаратура, шкодная для падлеткаў.
  • І смех і грэх
    24.12.2024
    Аліна, чаму шкодная?
    Мне падаецца якраз літаратура абавязковая да прачытання.
    Ёсць такія творы, каторыя мусяць быць прачытаныя ўсімі.
    І "Гары Потэр.." ў гэтым маім спісе.
    Два-тры тэзісы шкоднасці можаце акрэсліць?

Цяпер чытаюць

Расія выставіла Украіне восем умоў3

Расія выставіла Украіне восем умоў

Усе навіны →
Усе навіны

Мерц, Эрдаган, Стармер: з кім у Тыране пагаварыла Ціханоўская ШМАТ ФОТА33

У Славеніі скралі бронзавую статую Меланіі Трамп1

Мядзінскі: Будзем ваяваць, колькі трэба. Са шведамі ваявалі 21 год26

Умераў і Мядзінскі выступілі з кароткімі заявамі па выніках перамоў. Зяленскі і лідары ЕС разам сазваніліся з Трампам3

У Баранавічах маладая жанчына выпала з 9-га паверха1

Лукашэнка назваў сябе 17-м кавалерам ордэна «Перамога». Проста як Брэжнеў5

Украіна і Расія дамовіліся абмяняцца ваеннапалоннымі па формуле «1000 на 1000»1

Буракі па 10 рублёў і процьма танных клубніц. Актуальныя цэны на мінскай Камароўцы5

Перамовы ў Стамбуле завяршыліся. Масква патрабуе здачы Украінай чатырох абласцей14

больш чытаных навін
больш лайканых навін

Расія выставіла Украіне восем умоў3

Расія выставіла Украіне восем умоў

Галоўнае
Усе навіны →

Заўвага:

 

 

 

 

Закрыць Паведаміць