З'явіліся фоты, як унутры выглядаюць памяшканні гандлёвага цэнтра «Беларусь» у Віцебску, у якім учора 4 з паловай гадзіны не маглі патушыць пажар.
Колькасць пацярпелых падчас пажару павялічылася да 16 чалавек. З іх два — у цяжкім стане ў рэанімацыі з атручаннем чадным газам і дымам. Шмат людзей параніліся, калі выбівалі шкло і выбіраліся самі.
Пажар было складана патушыць праз гарэнне драўляных канструкцый і пластыку.
Ініцыявана расследаванне прычын надзвычайнага здарэння. Міліцыя арганізавала кругласутачны нагляд за гандлёвым цэнтрам і маёмасцю, якая знаходзіцца там.
Следчы камітэт распачаў крымінальную справу па артыкуле аб парушэнні патрабаванняў пажарнай бяспекі, якое пацягнула па неасцярожнасці прычыненне шкоды ў буйным памеры.
Сітуацыю пракаментаваў таксама ўладальнік гандлёвага цэнтра Віктар Вялюга:
«Здарылася вялікая бяда, адбылося ўзгаранне, прычыну будзе вызначаць ужо следства. Усе арандатары павінны супакоіцца, мы зробім усё неабходнае, каб людзі не засталіся без магчымасці працаваць. Камусьці будуць дадзеныя ў найбліжэйшы час месцы ў іншых гандлёвых цэнтрах», — цытуе ягоныя словы БелТА.
Паводле Вялюгі, у гандлёвым цэнтры будзе праводзіцца рамонт.
«Пасля рамонту, натуральна, усе змогуць вярнуцца на свае працоўныя месцы, — запэўніў ён. — Па матэрыяльных каштоўнасцях мы нейкім чынам будзем вырашаць, каб пайсці насустрач і зрабіць або наданне без арэнды памяшканняў, або кампенсаваць. Але гэта трэба ўсё глядзець».
У Віцебску пасля пажару ў ГЦ «Беларусь» ратавальнікі не знайшлі людзей у памяшканнях
Шмат драўляных канструкцый. Чаму ўскладнялася тушэнне пажару ў ГЦ «Беларусь» у Віцебску
Пасля пажару ў гандлёвым цэнтры Віцебска медыцынская дапамога спатрэбілася 15 пацярпелым
Падчас пажару ў віцебскім ГЦ пацярпелі 15 чалавек, з іх 2 работнікі МНС
Назва ад кінатэатра, выгляд ад аўтара віцебскай піраміды, на верхнім паверсе — дзеці. Што вядома пра гандлёвы цэнтр, які гарэў у Віцебску
Пажар у віцебскім гандлёвым цэнтры ліквідавалі, спатрэбілася чатыры з паловай гадзіны
«Некаторыя віцябляне паводзілі сябе вельмі годна». Сведкі пажару ў гандлёвым цэнтры падзяліліся ўражаннямі
«Ачагоў, як мы бачым, некалькі». Страшна гарэў гандлёвы цэнтр у Віцебску ВІДЭА
У Віцебску загарэўся гандлёвы цэнтр. Ёсць пацярпелыя
Цяпер чытаюць
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця5
Каментары