Карпенка заявіў, што за членамі выбарчых камісій сачылі замежныя спецслужбы, таму спісы камісій не будуць публікаваць
Каля 60 тысяч чалавек будуць задзейнічаныя ў рабоце выбарчых камісій на прэзідэнцкіх выбарах у студзені 2025 года. Такія даныя прывёў старшыня Цэнтральнай выбарчай камісіі Ігар Карпенка, перадае карэспандэнт БЕЛТА. Але іх спісы будуць засакрэчаны.
Каля 60 тысяч чалавек будуць працаваць у выбарчых камісій на прэзідэнцкіх выбарах у студзені 2025 года. «Гэта грамадзяне, якія працуюць на асноўных месцах работы. І ў вольны ад гэтай дзейнасці час садзейнічаюць у вырашэнні важных дзяржаўных задач, арганізуючы працэс выбараў у адпаведнасці з заканадаўствам і яго патрабаваннямі», — кажа Ігар Карпенка.
Кіраўнік Цэнтрвыбаркама растлумачыў, чаму прынята рашэнне не публікаваць поўныя спісы персанальнага складу членаў выбарчых камісій рознага ўзроўню.
«Сёння дакладна даказана, што гэтыя спісы станавіліся аб'ектам вывучэння спецслужбаў шэрагу дзяржаў, якія пераследвалі свае пэўныя мэты. У далейшым пачынаўся своеасаблівы булінг гэтых людзей», — сцвярджае ён.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты10
Каментары