Медыя 11-ы раз вызначае «Беларускае слова года»: зусім новае, або з новым значэннем, або вельмі важнае сёлета. Чытачы сацыяльных сетак разам з экспертамі вылучаюць кароткі спіс словаў і галасуюць, тлумачыць рэдакцыя «Радыё Свабоды».
Сёлета з вялікім адрывам першае месца заняло слова інкамунікада, што азначае поўную ізаляцыю, пазбаўленне сувязі з вонкавым светам. Слова адпавядае самым строгім крытэрам выбару, бо новае для беларускае мовы.
Выбар зразумелы, тлумачыць рэдакцыя, пра найбольш вядомых палітычных вязняў перасталі прыходзіць звесткі. Так міжнародна-праўны тэрмін для апісання гэтага спецыфічнага спосабу катавання, раней вядомы вузкаму колу юрыстаў як іншамоўны, увайшоў у агульную лексіку беларускае мовы.
Таксама параўнальна высокія вынікі ў сёлетнім галасаванні мелі словы бясчассе, штучны інтэлект (ШІ) і экстрэмізм. Новыя для беларускае мовы словы шахед і аўтарскі наватвор Лявона Вольскага калякалядны таксама былі ў фінальнай дзясятцы.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
ліхалецце мо?