Сякеры ад МТЗ, якія загадаў палепшыць Лукашэнка, паступілі ў продаж. Вось колькі яны каштуюць
Сякеры і калуны пад брэндам «Belarus» з'явіліся ў фірмовых крамах МТЗ у Мінску.
МТЗ запусціў у продаж сякеры і калуны, якія заводы даручыў выпусціць Лукашэнка.
Першыя ўзоры сякер МТЗ — «Гарызонт» Лукашэнку паказалі яшчэ ў траўні. Тады ён загадаў тэрмінова наладзіць вытворчасць беларускіх сякер і бензапіл.
Пасля тэст-драйву Лукашэнка даручыў МТЗ палепшыць сякеры, распавёў прадстаўнік завода Андрэй Юшкевіч.
«У выніку гэтага даручэння скарыстаны новы матэрыял для накладкі на дзяржальню сякеры. Таксама былі скарыстаныя новыя матэрыялы — гэта нанясенне фірмовага лагатыпа і пазначэнні на дзяржальні сякеры. Быў зменены крыху вугал завострывання для паляпшэння эксплуатацыйных характарыстык», — сказаў Юшкевіч.
Новыя калуны і сякеры разам з патэльнямі былі апрабаваныя на чэмпіянаце па колцы дроў сярод прапагандыстаў, які ў гэты раз выйшаў асабліва тэатральным.
А сёння МТЗ паведаміў, што сякеры паступілі ў свабодны продаж.
Іх можна знайсці ў фірменных магазінах завода ў Мінску. Сякера каштуе 132 рублі 65 капеек, а калун — 166 рублёў 78 капеек. Для продажу пакуль зрабілі каля 150 сякер і 50 калуноў.
Першымі пакупнікамі прыйшлося стаць старшыні прафсаюза «Белпрафмаш» і кіраўніку завадской пярвічкі гэтага прафсаюза.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары