Siakiery ad MTZ, jakija zahadaŭ palepšyć Łukašenka, pastupili ŭ prodaž. Voś kolki jany kaštujuć
Siakiery i kałuny pad brendam «Belarus» źjavilisia ŭ firmovych kramach MTZ u Minsku.
MTZ zapuściŭ u prodaž siakiery i kałuny, jakija zavody daručyŭ vypuścić Łukašenka.
Pieršyja ŭzory siakier MTZ — «Haryzont» Łukašenku pakazali jašče ŭ traŭni. Tady jon zahadaŭ terminova naładzić vytvorčaść biełaruskich siakier i bienzapił.
Paśla test-drajvu Łukašenka daručyŭ MTZ palepšyć siakiery, raspavioŭ pradstaŭnik zavoda Andrej Juškievič.
«U vyniku hetaha daručeńnia skarystany novy materyjał dla nakładki na dziaržalniu siakiery. Taksama byli skarystanyja novyja materyjały — heta naniasieńnie firmovaha łahatypa i paznačeńni na dziaržalni siakiery. Byŭ źmienieny krychu vuhał zavostryvańnia dla palapšeńnia ekspłuatacyjnych charaktarystyk», — skazaŭ Juškievič.
Novyja kałuny i siakiery razam z patelniami byli aprabavanyja na čempijanacie pa kołcy droŭ siarod prapahandystaŭ, jaki ŭ hety raz vyjšaŭ asabliva teatralnym.
A siońnia MTZ paviedamiŭ, što siakiery pastupili ŭ svabodny prodaž.
Ich možna znajści ŭ firmiennych mahazinach zavoda ŭ Minsku. Siakiera kaštuje 132 rubli 65 kapiejek, a kałun — 166 rubloŭ 78 kapiejek. Dla prodažu pakul zrabili kala 150 siakier i 50 kałunoŭ.
Pieršymi pakupnikami pryjšłosia stać staršyni prafsajuza «Biełprafmaš» i kiraŭniku zavadskoj piarvički hetaha prafsajuza.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami23
Kamientary