Трамп: «Госпад выратаваў маё жыццё не проста так!» «Гэта будзе залаты век для Амерыкі» ВІДЭА
Трамп адзначыў, што рэспубліканцы — гэта «партыя здаровага сэнсу», і паабяцаў «спыніць войны».
«Хачу сказаць усім вам вялікі дзякуй. Гэта палітычная перамога. Я хачу падзякаваць амерыканскаму народу за незвычайны гонар быць абраным 47-м прэзідэнтам ЗША. Я атрымаў 315 галасоў выбаршчыкаў. Мы выйгралі народнае галасаванне.
Гэта дзівосная перамога амерыканскага народа, якая дазволіць зрабіць Амерыку зноў вялікай. Гэта будзе залаты век для Амерыкі. Кожны дзень я буду змагацца за вас. І я не супакоюся, пакуль мы не створым моцную, бяспечную і квітнеючую Амерыку, якую заслугоўваюць нашы дзеці і якую заслугоўваеце вы.
Побач са мной неверагодныя людзі. Мы зробім вас шчаслівымі, зробім так, што вы будзеце ганарыцца тым, як прагаласавалі. Амерыка дала нам беспрэцэдэнтны і магутны мандат. Рэспубліканская партыя вярнула сабе кантроль над Сенатам, і, падобна, мы захаваем кантроль над Палатай прадстаўнікоў.
Я ўдзячны маёй выдатнай жонцы Меланіі, яна прарабіла велізарную працу. Удзячны маім дзівосным дзецям.
Нарадзілася новая зорка — Ілан Маск! Мы бачыліся сёння ўвечары. Ён дзівосны хлопец. Ён правёў два тыдні ў Філадэльфіі і розных частках Пенсільваніі, удзельнічаючы ў выбарчай кампаніі. Я люблю цябе, Ілан! Амерыцы трэба абараняць нашых супергеніяў, іх не так шмат.
Рэспубліканцы — партыя здаровага сэнсу. На працягу чатырох гадоў майго першага прэзідэнцкага тэрміну не было войнаў, за выключэннем таго, што мы перамаглі «Ісламскую дзяржаву». Яны казалі: «Ён пачне вайну».
Я не збіраюся пачынаць вайну, я збіраюся спыніць войны. Я зраблю ЗША лепшымі, чым калі-небудзь. Госпад выратаваў маё жыццё не проста так! Каб выратаваць краіну і вярнуць Амерыцы былую веліч. І мы збіраемся выканаць гэтую місію.
Прыйшоў час пакінуць у мінулым рознагалоссі апошніх чатырох гадоў, прыйшоў час аб'яднацца. Поспех аб'яднае нас. Барані Вас Бог, і барані Бог Амерыку», — заявіў Трамп сваім радасным прыхільнікам.
Вось відэа з асноўнымі момантамі яго пераможнай прамовы.
Расійскі алігарх па выніках выбараў у ЗША прагназуе падзенне цэн на нафту
Associated Press паведаміла пра перамогу Трампа ў Вісконсіне і ў цэлым на выбарах прэзідэнта
«Зменаў у палітыцы па Беларусі не будзе, але ёсць нюансы». Валер Кавалеўскі — пра тое, чаго чакаць ад Трампа
Ціханоўская павіншавала Трампа з перамогай на выбарах
Уладзімір Зяленскі павіншаваў Дональда Трампа
Дональд Трамп абвясціў сваю перамогу на выбарах
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары