Tramp: «Hospad vyratavaŭ majo žyćcio nie prosta tak!» «Heta budzie załaty viek dla Amieryki» VIDEA
Tramp adznačyŭ, što respublikancy — heta «partyja zdarovaha sensu», i paabiacaŭ «spynić vojny».
«Chaču skazać usim vam vialiki dziakuj. Heta palityčnaja pieramoha. Ja chaču padziakavać amierykanskamu narodu za niezvyčajny honar być abranym 47-m prezidentam ZŠA. Ja atrymaŭ 315 hałasoŭ vybarščykaŭ. My vyjhrali narodnaje hałasavańnie.
Heta dzivosnaja pieramoha amierykanskaha naroda, jakaja dazvolić zrabić Amieryku znoŭ vialikaj. Heta budzie załaty viek dla Amieryki. Kožny dzień ja budu zmahacca za vas. I ja nie supakojusia, pakul my nie stvorym mocnuju, biaśpiečnuju i kvitniejučuju Amieryku, jakuju zasłuhoŭvajuć našy dzieci i jakuju zasłuhoŭvajecie vy.
Pobač sa mnoj nievierahodnyja ludzi. My zrobim vas ščaślivymi, zrobim tak, što vy budziecie hanarycca tym, jak prahałasavali. Amieryka dała nam biesprecedentny i mahutny mandat. Respublikanskaja partyja viarnuła sabie kantrol nad Sienatam, i, padobna, my zachavajem kantrol nad Pałataj pradstaŭnikoŭ.
Ja ŭdziačny majoj vydatnaj žoncy Miełanii, jana prarabiła vielizarnuju pracu. Udziačny maim dzivosnym dzieciam.
Naradziłasia novaja zorka — Iłan Mask! My bačylisia siońnia ŭviečary. Jon dzivosny chłopiec. Jon pravioŭ dva tydni ŭ Fiładelfii i roznych častkach Piensilvanii, udzielničajučy ŭ vybarčaj kampanii. Ja lublu ciabie, Iłan! Amierycy treba abaraniać našych supierhienijaŭ, ich nie tak šmat.
Respublikancy — partyja zdarovaha sensu. Na praciahu čatyroch hadoŭ majho pieršaha prezidenckaha terminu nie było vojnaŭ, za vyklučeńniem taho, što my pieramahli «Isłamskuju dziaržavu». Jany kazali: «Jon pačnie vajnu».
Ja nie źbirajusia pačynać vajnu, ja źbirajusia spynić vojny. Ja zrablu ZŠA lepšymi, čym kali-niebudź. Hospad vyratavaŭ majo žyćcio nie prosta tak! Kab vyratavać krainu i viarnuć Amierycy byłuju vielič. I my źbirajemsia vykanać hetuju misiju.
Pryjšoŭ čas pakinuć u minułym roznahałośsi apošnich čatyroch hadoŭ, pryjšoŭ čas abjadnacca. Pośpiech abjadnaje nas. Barani Vas Boh, i barani Boh Amieryku», — zajaviŭ Tramp svaim radasnym prychilnikam.
Voś videa z asnoŭnymi momantami jaho pieramožnaj pramovy.
Rasijski aliharch pa vynikach vybaraŭ u ZŠA prahnazuje padzieńnie cen na naftu
Associated Press paviedamiła pra pieramohu Trampa ŭ Viskonsinie i ŭ cełym na vybarach prezidenta
«Źmienaŭ u palitycy pa Biełarusi nie budzie, ale jość niuansy». Valer Kavaleŭski — pra toje, čaho čakać ad Trampa
Cichanoŭskaja pavinšavała Trampa ź pieramohaj na vybarach
Uładzimir Zialenski pavinšavaŭ Donalda Trampa
Donald Tramp abviaściŭ svaju pieramohu na vybarach
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami7
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary