Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?
Adkazy na hetyja pytańni my nie daviedajemsia za siońnia, ale pytańni havorać sami za siabie, piša Mikoła Buhaj. Amieryka ŭstupaje ŭ pieryjad mocnaha kansiervatyŭnaha revanšu; my, jeŭrapiejcy, pakul nie viedajem, u jaki pieryjad ustupajem.
Donald Tramp nie prosta pieramahaje, jon razhromna pieramahaje. Bolš za toje, demakraty stračvajuć kantrol nad Sienatam.
Temy, na jakija demakraty zrabili staŭku ŭ svajoj kampanii: pahrozy demakratyi, prava na aborty, rasavaja i hiendarnaja roŭnaść — nie znajšli vodhuku ŭ centrysckich vybarcaŭ, jakija masava prahałasavali za Trampa.
Tema Ukrainy nie była hałoŭnaj u kampanii, amierykancaŭ, jak i ŭsich, najbolš cikavić ułasny štodzionny dabrabyt: nie tolki ekanomika, ale i biaśpieka, a dla amierykancaŭ heta pytańnie imihracyi ŭ tym liku.
Pry hetym hałoŭnaje pytańnie dla našaha rehijona, u tym liku dla biełarusaŭ — ci budzie i nakolki budzie ZŠA padtrymlivać Ukrainu. Na jaho pakul niama adkazu.
Ale Vens i Mask — dźvie centralnyja postaci ŭ kole Trampa — mocna skieptyčnyja adnosna padtrymki Kijeva, a ŭ asiarodździ respublikancaŭ hučnyja i hałasy cynikaŭ, jakija ličać, što Rasii varta addavać u Jeŭropie ŭsio toje, što jana choča, aby jana nie zanadta zbližałasia z Kitajem. I sam fakt, što takaja kancepcyja jość, pakazvaje stupień ryzyk dla isnavańnia biełaruskaj i ŭkrainskaj nacyj.
Padčas minułaha terminu Donald Tramp nie zdoleŭ — ci nie chacieŭ — ničoha istotna pamianiać u ahulnych kirunkach palityki ZŠA. Dziaržaŭnaja zapazyčanaść krainy praciahvała raści, vajna ŭ Afhanistanie skončyłasia vyvadam vojskaŭ, NATA zastavałasia NATAm, Jeŭropa praciahvała spadziavacca na Vašynhton, na Kitaj cisnuli, ale ničoha nie vycisnuli.
Ale toj termin byŭ pieršym terminam Trampa, ciapier — druhi, kali ruki raźviazanyja. Kantrol respublikancaŭ nad vykanaŭčaj i zakanadaŭčaj uładaj adnačasova zaraz daść im mahčymaść ažyćciavić usie svaje namiery.
Amieryka ŭstupaje ŭ pieryjad mocnaha kansiervatyŭnaha revanšu; my, jeŭrapiejcy, pakul nie viedajem, u jaki pieryjad ustupajem.
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
-
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
-
«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ10
Kamientary
Ukraincy budut živy! Ura
Jes polakam i bałt tihram prihotoviťsia sodieržať Ukrainu)))