Парапланерыст Алекс Ланг, які аблятаў найбольшую паводле памераў (вышыня — 138 метраў) егіпецкую піраміду, заўважыў на яе вяршыні сабаку. Ён падзяліўся відэазапісам у сацыяльных сетках.
Па словах мужчыны, сабака бегаў па вяршыні піраміды і брахаў на птушак. Як жывёла магла апынуцца на такой вышыні, невядома.
Як сцвярджае парапланерыст, сабака зусім не баяўся вышыні і адчуваў сябе ўпэўнена.
Вышыня піраміды Хеопса складае 138 метраў, гэта прыблізна ўзровень 40-павярховага будынка. Незразумела, як доўга сабака знаходзіўся на такой вышыні, але пасля стала вядома, што з ім усё добра: ён паспяхова спусціўся на зямлю.
Пры гэтым чалавеку, які ўздумаў бы ўзлезці на вялікую піраміду, можа пагражаць штраф да 100 тысяч егіпецкіх фунтаў (да $2060).
Інцыдэнт выклікаў сумневы, што ўлады горада Гіза, побач з якім знаходзяцца некалькі пірамід, а таксама Вялікі Сфінкс, могуць нармальна забяспечыць захаванасць архітэктурнай і археалагічнай спадчыны.
Піраміда Хеопса, ці Вялікая піраміда Гізы — найбуйнейшая з егіпецкіх пірамід, помнік архітэктурнага мастацтва Старажытнага Егіпта. Гэта адзінае з сямі цудаў свету, якое захавалася да нашых дзён, і самае старажытнае з іх: яе ўзрост ацэньваецца прыкладна ў 4,5 тыс. гадоў.
З першапачатковай вышынёй амаль 147 м на працягу больш за трох тысячагоддзяў (да ўзвядзення сабора ў англійскім Лінкальне каля 1300 года) піраміда была самай высокай пабудовай на зямлі.
З 1979 года, як і многія іншыя піраміды комплексу «Мемфіс і яго некропалі — раён пірамід ад Гізы да Дахшура», з'яўляецца часткай Сусветнай спадчыны ЮНЕСКА.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні10
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары