У Краснаярскім краі памерла чацвёртае дзіця, што атруцілася пельменямі
Памерла 12-гадовая дзяўчынка з сям'і, якая атруцілася пасля вячэры з курыцай і пельменямі ў Краснаярскім краі Расіі. Да гэтага памерлі трое дзяцей з гэтай сям'і, а бацька і цяжарная маці шпіталізаваныя.
Сям'я з шасці чалавек звярнулася ў бальніцу з прыкметамі атручвання раніцай 21 верасня. Напярэдадні яны павячэралі курыцай і пельменямі з сельскай крамы. Пазней у дваіх дзяцей — шасцігадовай дзяўчынкі і 13-гадовага хлопчыка — рэзка пагоршылася самаадчуванне, яны памерлі ў бальніцы. На наступны дзень стала вядома пра смерць трэцяга дзіцяці — 11-гадовай дзяўчынкі, піша РБК.
Пазней у прэс-службе СК паведамілі РБК, што жанчына цяжарная — на дзявятым месяцы. Прыкладна праз два тыдні ў яе — тэрмін родаў.
СК Расіі завёў справу паводле ч. 3 арт. 238 КК (вытворчасць, захоўванне або збыт тавараў і прадукцыі, якія не адпавядаюць патрабаванням бяспекі жыцця або здароўя спажыўцоў, якія пацягнулі па неасцярожнасці смерць двух або больш асоб). Гэты артыкул прадугледжвае да дзесяці гадоў пазбаўлення волі.
Паводле папярэдняй версіі следства, прычынай атручвання стала неўстаноўленае рэчыва. Следчыя дапыталі гаспадара і прадаўца прадуктовай крамы, фельчара амбулаторыі і сваякоў сям'і. Акрамя таго, яны забралі запісы з камер відэаназірання ў прадуктовай краме.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі17
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1414
Каментары
Ибо нефиг жрать всё, что дают в вонючие старом магазине