Міністр эканомікі заявіў аб заканчэнні энергетычнага крызісу ў ФРГ.
Германія пераадолела недахоп расійскага газу. З такімі словамі віцэ-канцлер, міністр эканомікі і энергетыкі Роберт Хабек выступіў на сустрэчы з грамадзянамі ў горадзе Аснабрук, піша Bild.
«Недахопу расейскага газу больш няма. <..> Дэфіцыту газу больш няма», — сказаў ён. Паводле яго слоў, нямецкія прыродныя сховішчы газу (ПСГ) загадзя запоўненыя, усе планавыя паказчыкі выкананы. Міністр заявіў аб заканчэнні энергетычнага крызісу ў ФРГ.
Хабек прызнаў, што цэны на газ у Германіі цяпер вышэйшыя, чым да вайны. Але, паводле яго слоў, гэта не звязана з адсутнасцю паставак з Расіі.
«Цэны вышэйшыя, гэта тычыцца і газу, але не таму, што ў нас яго дэфіцыт», — сказаў ён. Сапраўдная прычына — спякота ў краінах Азіі, якія закупляюць звадкаваны прыродны газ, каб генераваць электрычнасць для кандыцыянераў.
Віцэ-канцлер ФРГ упэўнены, што цэны на газ зноў упадуць, калі дадатковыя аб'ёмы ЗПГ вызваляцца і паступяць на нямецкі рынак. У цэлым цэны на газ у Германіі будуць толькі» ўмерана вышэй, чым у гады да пандэміі», паабяцаў ён.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА56
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары