Вучоныя расказваюць, як простая змена ў рацыёне харчавання можа палепшыць стан скуры і імунітэт
Для гэтага вам спатрэбіцца морква.
Вядома, што караціноіды — прыродныя арганічныя пігменты, якія надаюць яркі колер шмат якой садавіне і гародніне — дапамагаюць абараніць клеткі ад пашкоджанняў і знізіць рызыку развіцця сардэчна-сасудзістых захворванняў і некаторыя віды раку. Высокі ўзровень караціноідаў у скуры звязаны з паляпшэннем яе стану і абаронай ад шкоднага ўздзеяння ўльтрафіялетавых промняў.
Як піша SciTechDaily, ранейшыя даследаванні паказалі, што ўзровень караціноідаў у скуры можна павялічыць, спажываючы ў тры разы больш за рэкамендаваную порцыю садавіны і гародніны кожны дзень на працягу трох тыдняў.
Новае даследаванне вучоных Стэндфардскага ўніверсітэта прадэманстравала, што невялікая і простая змена ў рацыёне харчавання — уключэнне маладой морквы ў якасці перакусу тры разы на тыдзень — прыкметна павышае ўзровень караціноідаў у скуры маладых людзей. Паказчык вырас яшчэ больш, калі моркву злучылі з полівітамінамі, якія ўключаюць бэта-карацін.
Для свайго даследавання вучоныя выпадковым чынам размеркавалі 60 маладых людзей на чатыры групы.
На працягу чатырох тыдняў першая група перакусвала лустачкамі яблыкаў гатунку Грэні Сміт (кантрольная група), другая — маладой морквай (роўна 100 г на порцыю). Трэцяя група прымала полівітамінны дадатак, які ўтрымлівае бэта-карацін, а чацвёртую праінструктавалі есці маладую моркву і адначасова ўжываць вітамінны комплекс з бэта-карацінам.
Перад пачаткам і па завяршэнні эксперыменту навукоўцы ацанілі ўзровень караціноідаў у скуры кожнага добраахвотніка.
Вынікі паказалі, што ў тых, хто еў толькі маладую моркву, гэты паказчык павялічыўся на 10,8%. А вось у групе, дзе морква спалучалася з прыёмам полівітамінаў, якія ўтрымлівалі бэта-карацін, узровень караціноідаў быў удвая большым — 21,6%. У ўдзельнікаў двух астатніх груп ніякіх змен у скуры не было заўважна.
У далейшым вучоныя плануюць даследаваць механізм, які прыводзіць да такіх вынікаў, а таксама вывучыць уплыў на колькасць караціноідаў у скуры іншых прадуктаў, багатых імі.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні13
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары
https://www.dropbox.com/scl/fi/m57339rfkp79bdr9jrow0/Simmons-abstract.docx?rlkey=7kyx7f15khpzem7mplmjgy59z&e=2&dl=0