Макрон даўно і актыўна карыстаецца Telegram. Ён аматар месенджара — Politico
Аказваецца, значная частка істэблішменту Францыі для працы і камунікавання аддае перавагу Telegram, высветліла выданне Politico. Вось як гэты феномен тлумачаць самі французскія палітыкі.
Як піша выданне Politico са спасылкай на дзейных і былых французскіх палітыкаў, прэзідэнт Францыі як мінімум 7 гадоў актыўна карыстаецца Telegram для працы і звычайнага камунікавання.
«У гэты панядзелак, калі Дураў яшчэ сядзіць пад вартай, акаўнт Эмануэля Макрона ў месенджары быў актыўны», — паведаміў Politico адзін з французскіх палітыкаў, паказаўшы выданню свой тэлефон са спісам кантактаў у тэлеграме, дзе быў бачны анлайн-статус Макрона.
Па словах крыніц, уласная партыя Макрона, Renaissance, «яшчэ з першых дзён прэзідэнцкай кампаніі (2017 год) выкарыстоўвае Telegram для адпраўкі публічных паведамленняў журналістам на прыватным канале, які ўключае 150 прадстаўнікоў прэсы. Макрон таксама мае публічны канал з 30 тысячамі падпісчыкаў, дзе публікуюцца ягоныя заявы і апошнія навіны. Тое ж самае робіць і Міністэрства ўнутраных спраў Францыі.
Гэта выклікала сур'ёзную занепакоенасць і папярэджанні з боку французскіх спецслужбаў, «якія заклікалі спыніць карыстанне расійскім месенджарам з-за сачэння», перадае Politico.
Акрамя Макрона, ягонай партыі і МУС, заўзятымі карыстальнікамі Telegram ёсць як члены кабінета міністраў Францыі, так і палітычныя чыноўнікі ўсіх рангаў і партый, заяўляюць прадстаўнікі французскага істэблішменту. Па іх словах, пераход на іншыя сродкі камунікавання, у першую чаргу айчыннай вытворчасці, адбываецца павольна і неахвотна.
«Тэлеграм не найлепшы сярод сацсетак, але і не найгоршы. Многія з нас проста не хочуць пачынаць з нуля на іншых месенджарах, губляць свае размовы. Да Telegram шмат хто прызвычаіўся», — распавёў Politico член кіравальнай партыі Францыі Эрык Батарэль, які адказны за пытанні, звязаныя з кібербяспекай.
Па словах іншага чыноўніка, які працуе ў французскім Міністэрстве юстыцыі, арышт Паўла Дурава стаў следствам незадаволенасці ўладаў Францыі ягоным нежаданнем супрацоўнічаць з імі.
«Ён вельмі раззлаваў людзей сваёй адмовай ісці на кантакт па пытанні доступу да «крыніц бруднай інфармацыі», — заявіў чыноўнік на ўмовах ананімнасці.
Нагадаем, што Эмануэль Макрон учора публічна пракаментаваў затрыманне заснавальніка Telegram Паўла Дурава, адзначыўшы, што арышт прадпрымальніка «ні ў якім разе не ёсць палітычным рашэннем» і што «Францыя больш за ўсё імкнецца да свабоды выказвання меркаванняў і камунікацыі, інавацый і прадпрымальніцтва».
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»2
Каментары
Разница лишь в том, что в СССР никто не посмел бы возразить Сталину. А сейчас возражать вроде бы можно. Только почему-то люди предпочитают молчать или даже поддакивать. Для протестовавших беларусов это особенно стыдно.
Сколько у Телеграма пользователей - миллиард? А сколько подписало петиции на change.org, или хештег #FreeDurov? Хоть сто тысяч (0.01% пользователей) нашлось?
Или будем терпеть до последнего, как в Беларуси, где большинство спохватилось лишь в 2020-м - когда "просто переизбрать" уже поздно было? Франция 2024 года, все-таки, пока не РБ?
А ничем, разумеется. "Это все знают".
Только почему-то тогда, когда доходило до дела - всё протестное все писали именно в Телеграм. Что-то не припомню тогда просветленных комментариев "ну какой фсбшничек NEXTA, в телеграме все пишет", "беларусские партизаны - российская помойка, раз они в телеграме обсуждают".
А вот когда протесты остановились, и пришло время искать виноватых в неудачах - тут стало "телеграм - российская помойка". Перевертыши.