Французская пракуратура выдала афіцыйны прэс-рэліз па справе затрыманага ў краіне заснавальніка Telegram Паўла Дурава.
Паводле рэлізу, Дурава абвінавачваюць у наступных злачынствах:
- саўдзел у адміністраванні анлайн-платформы для правядзення незаконных здзелак арганізаваных груп;
- адмова перадаць на запыты праваахоўных органаў інфармацыю або дакументы, неабходныя для расследавання;
- саўдзел у захоўванні парнаграфічнага кантэнту з непаўналетнімі;
- саўдзел у распаўсюджванні такога кантэнту;
- саўдзел у распаўсюджванні і захоўванні наркотыкаў;
- саўдзел у кіберзлачынствах;
- саўдзел у махлярстве ў складзе арганізаванай злачыннай групоўкі;
- злачынная змова з мэтай учынення цяжкага злачынства;
- адмыванне грошай;
- аказанне крыпталагічных паслуг без ліцэнзіі;
- пастаўка крыпталагічнага абсталявання без папярэдняга дэкларавання;
- імпарт такога абсталявання.
Справу супраць Паўла Дурава завялі 8 ліпеня, а затрымалі ў ноч на 25 жніўня. Тэрмін ягонага ўтрымання пад вартай завяршаецца 28 жніўня, але можа быць працягнуты.
Цяпер яго дапытваюць у рамках расследавання супраць неназванай асобы ў сувязі з падазрэннем у шматлікіх кіберзлачынствах.
У той жа час у Еўракамісіі каналу «Еўраньюс» паведамілі, што сітуацыя з Паўлам Дуравым не мае дачынення да закона Еўрасаюза, які рэгулюе сацыяльныя сеткі і інтэрнэт-сэрвісы. Закон, у прыватнасці, ускладае на сэрвісы адказнасць за нелегальны кантэнт, які ў іх публікуецца, і абавязвае іх весці старанную мадэрацыю.
Стала вядома, у чым Францыя абвінавачвае Дурава
«Гэта ні ў якім разе не палітычнае рашэнне». Макрон пракаментаваў затрыманне Паўла Дурава
Пяскоў: Сустрэчы Дурава і Пуціна ў Баку не было
Дураву прадоўжылі тэрмін утрымання пад вартай у Францыі
Telegram выступіў з афіцыйнай заявай наконт затрымання Дурава
Стала вядома асоба 24-гадовай дзяўчыны, якую затрымалі разам з Дуравым
Прапаганда расчахліла Пратасевіча: той пракаментаваў арышт Дурава, якога таксама затрымалі ў аэрапорце
Хто забараняе ў Беларусі кнігі — вось гэтыя 22 чалавекі33
Каментары
Але такая паслуга і даражэй нашмат каштуе, і патрабуе нецензураванае дэцэнтралізаванае сеткі камунікацыі