Украінскія войскі прасоўваюцца ў кірунках Курска, Льгова і Рыльска адначасова — ваенкары
Z-ваенкары прызнаюць, што расіянам не ўдаецца пакуль стварыць суцэльную лінію абароны і даводзіцца біць «Іскандэрамі» па наступаючаму праціўніку.
Юрый Падаляка піша, што ўкраінскія вайскоўцы, назапасіўшы сілы, 12 жніўня пачалі штурмавыя дзеянні амаль на ўсёй лініі баявога сутыкнення ў Курскай вобласці.
«У раёне Коранева ён [праціўнік] спрабаваў абысці раённы цэнтр з усходу. Яго ДРГ зайшлі нават за яго, спрабуючы перарэзаць трасу на Рыльск, але былі адкінутыя.
Між тым, ідуць жорсткія баі за н.п. Ольгіна, узяцце праціўнікам якога моцна ўскладніць гарнізону Коранева далейшую абарону н. п.
Таксама праціўнік распачаў прарыў калонай Паўночна-Усходняй у агульным кірунку на н.п. Каўчук. Быў спынены тут і адкінуты. Але на жаль не на зыходныя пазіцыі. Дзе ўвечары і працягнуў назапашваць свае сілы», — піша Падаляка.
Паводле яго слоў, яшчэ адзін удар быў нанесены ўкраінцамі паміж н. п. Чаркаскае Парочнае і трасай на Курск, а таксама на Бердзін і Вялікае Салдацкае.
«Ён [праціўнік] быў спынены на подступах і спрабуе таксама тут замацаваць свае поспехі. Заўтра і тут чакаюцца кровапралітныя баі», — піша ваенкар.
Іншы канал, «Рыбар», таксама паведамляе, што «мабільныя групы праціўніка распачалі спробу замацавацца ля Вялікага Салдацкага».
Варта адзначыць, што Вялікае Салдацкае — апошні значны населены пункт на дарозе да Курчатава і Курскай АЭС.
Юрый Падаляка таксама піша, што сённяшнія баі паказалі: расійская абарона тут не суцэльная, а ачаговая.
«Супернік даволі лёгка прасочваецца паміж нашымі вузламі абароны, спрабуючы адрэзаць іх ад галоўных сіл. На жаль, пакуль мы іх можам тут утрымліваць толькі разлікамі БПЛА, авіяцыяй і … ракетчыкамі. Сёння пры адбіцці нападаў па праціўніку намі былі ўжытыя тут нават «Іскандэры» (па вялікай колькасці УСУ)», — піша ваенкар.
Адзначаецца, што ўкраінцы раніцай таксама правялі разведку боем у раёне памежнага перахода Калацілаўка. Акрамя таго, іншая група ўкраінскай арміі ад Плехава дайшла да Гір'яў, дзе яе сустрэў расійскі кардон.
Падаляка сцвярджае, што сілы ва ўкраінцаў ёсць. «А таму наступныя мінімум два дні будуць вельмі важнымі і цяжкімі», — дадае ён.
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3636
Каментары