МЗС Польшчы абвяргае інфармацыю аб забароне на ўезд для беларускіх аўтамабіляў — Вячорка
Міністэрства замежных спраў Польшчы адмаўляе інфармацыю аб забароне з 1 жніўня ўезду ў краіну аўтамабіляў з беларускімі рэгістрацыйнымі нумарамі, паведаміў выданню «Позірк» галоўны дарадца Святланы Ціханоўскай Франак Вячорка, каментуючы чуткі, якія з'явіліся ў тэматычных чатах.
Паводле слоў Вячоркі, Офіс Ціханоўскай знаходзіцца на сувязі з польскім МЗС, і ведамства запэўніла яго, што «зменаў пакуль не плануецца».
Вячорка адзначыў, што абмежаванні на ўезд для беларускіх аўтамабіляў пачалі дзейнічаць «па ўсім ЕС» з 1 ліпеня, аднак
Варшава «на просьбу беларускіх дэмакратычных сіл» увяла бестэрміновыя выключэнні для аўтаўладальнікаў з Беларусі ў выпадку, калі транспартны сродак, які ўязджае, не плануецца прадаваць.
Літва, дадаў дарадца, увяла аналагічныя выключэнні «на месяц».
«З Латвіяй і Эстоніяй гуманітарныя выключэнні нам яшчэ трэба будзе прапісаць і абмеркаваць», — сказаў Вячорка. 24 ліпеня ён мае намер абмеркаваць гэтае пытанне з эстонскімі ўладамі ў Таліне.
Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда
Колькасць легкавікоў на беларуска-польскай мяжы вырасла да 400
Колькасць легкавікоў на беларуска-польскай мяжы вырасла да гіганцкіх 350
Як змяніць беларускія нумары на літоўскія. Што трэба і колькі каштуе працэдура?
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары
НН магла б узяць каментар у польскага МЗС наўпрост.