MZS Polščy abviarhaje infarmacyju ab zabaronie na ŭjezd dla biełaruskich aŭtamabilaŭ — Viačorka
Ministerstva zamiežnych spraŭ Polščy admaŭlaje infarmacyju ab zabaronie z 1 žniŭnia ŭjezdu ŭ krainu aŭtamabilaŭ ź biełaruskimi rehistracyjnymi numarami, paviedamiŭ vydańniu «Pozirk» hałoŭny daradca Śviatłany Cichanoŭskaj Franak Viačorka, kamientujučy čutki, jakija źjavilisia ŭ tematyčnych čatach.
Pavodle słoŭ Viačorki, Ofis Cichanoŭskaj znachodzicca na suviazi z polskim MZS, i viedamstva zapeŭniła jaho, što «źmienaŭ pakul nie płanujecca».
Viačorka adznačyŭ, što abmiežavańni na ŭjezd dla biełaruskich aŭtamabilaŭ pačali dziejničać «pa ŭsim ES» z 1 lipienia, adnak
Varšava «na prośbu biełaruskich demakratyčnych sił» uviała biesterminovyja vyklučeńni dla aŭtaŭładalnikaŭ ź Biełarusi ŭ vypadku, kali transpartny srodak, jaki ŭjazdžaje, nie płanujecca pradavać.
Litva, dadaŭ daradca, uviała anałahičnyja vyklučeńni «na miesiac».
«Z Łatvijaj i Estonijaj humanitarnyja vyklučeńni nam jašče treba budzie prapisać i abmierkavać», — skazaŭ Viačorka. 24 lipienia jon maje namier abmierkavać hetaje pytańnie z estonskimi ŭładami ŭ Talinie.
Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda
Kolkaść lehkavikoŭ na biełaruska-polskaj miažy vyrasła da 400
Kolkaść lehkavikoŭ na biełaruska-polskaj miažy vyrasła da hihanckich 350
Jak źmianić biełaruskija numary na litoŭskija. Što treba i kolki kaštuje pracedura?
Kamientary
NN mahła b uziać kamientar u polskaha MZS naŭprost.