Свет88

Прэс-сакратар польскага МЗС пра адносіны з Беларуссю: Чакаем першага рэальнага кроку з беларускага боку

Адказваючы на ​​пытанне аб магчымым паляпшэнні адносінаў з Беларуссю, прэс-сакратар МЗС Павел Вроньскі падкрэсліў, што Польшча чакае «першага рэальнага кроку» з беларускага боку. Ён нагадаў, што сярод патрабаванняў польскага боку — спыненне Беларуссю гібрыднай атакі на мяжы і выдача забойцы польскага салдата.

 Фота: Kremlin Pool Photo via AP

Напярэдадні Аляксандр Лукашэнка заявіў, што Беларусь хоча ўрэгуляваць адносіны з Польшчай, а кіраўнік беларускага МЗС Максім Рыжанкоў сцвярджаў, што Беларусь гатовая да дыялогу з Польшчай па сітуацыі на мяжы. Пры гэтым ён абвінаваціў польскі бок у нежаданні весці дыялог і выстаўленні палітычных патрабаванняў. 

Закранаючы пытанне магчымага прагрэсу ў польска-беларускіх адносінах, прэс-сакратар МЗС сказаў, што міністр замежных спраў Польшчы Радаслаў Сікорскі «паставіў тут умовы раней, яны зразумелыя і дзейнічаюць». «Гэта канец гібрыднай атакі і падвозу мігрантаў да мяжы. Тут ёсць пэўны прагрэс, і апошнім часам прыток мігрантаў зменшыўся. Другое пытанне — правесці расследаванне забойства польскага салдата», — сказаў Вроньскі.

Вроньскі дадаў, што вядомая таксама пазіцыя Польшчы адносна палітвязняў у Беларусі, у тым ліку Анджэя Пачобута. «Мы чакаем першага рэальнага кроку з беларускага боку», — адзначыў ён. 

У сераду аб магчымым паляпшэнні адносін з Беларуссю адказаў на прэс-канферэнцыі кіраўнік МУС Томаш Семаняк. 

Ён адзначыў, што Польшча разглядае польска-беларускія адносіны комплексна, улічваючы пытанне мяжы, гібрыднай агрэсіі і дзейнасць беларускіх службаў. «Такім чынам, калі Беларусь вызваліць Анджэя Пачобута, пачне супрацоўнічаць з Польшчай у справе забойцы сяржанта Матэвуша Сітака і перастане спрыяць ціску на мяжы, несумненна, будуць сігналы, якія дазволяць больш прагматычна фармаваць гэтыя адносіны з польскага боку», — дадаў кіраўнік МУС.

У аўторак Лукашэнка заявіў, што гатовы «ўрэгуляваць адносіны Беларусі з Польшчай і Літвой, але пакуль не бачыць узаемнасці».

Каментары8

  • КС
    18.07.2024
    Руслан, у поляков есть виде и фото убийцы. Покажите нам хоть малюююсенький кусочек как мигрант просовывает палку с ножом через забор. Ну или фото того погранца возле забора.
  • Уго
    18.07.2024
    Руслан,
    Не выдадут его.
    Говорить начнет чего не надо.
    Но, возможно, он совершит суицид, о чем скорбно доложат полякам. И предложат перевернуть страницу.
  • АнтиКС
    18.07.2024
    КС, тебе предоставим мазок его.

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА25

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі11

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг2

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА25

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць