У Расіі памёр брат дарадцы Зяленскага Міхаіла Падаляка. Ён служыў у ГРУ
Мяркуючы па ўсім, Уладзімір Падаляк памёр 19 мая.
Фота магілы Уладзіміра Падаляка апублікаваў праект «KIU. Russian Officers killed in Ukraine, які адсочвае смерці расійскіх вайскоўцаў на вайне супраць Украіны.
Паведамляецца, што брат дарадцы Зяленскага Міхаіла Падаляка памёр 19 мая ва ўзросце 59 гадоў, пры гэтым абставіны смерці невядомыя, піша Sota.
Факт смерці пацвярджаецца адкрыццём маскоўскім натарыусам спадчыннай справы.
Па медалі на фатаграфіі на магіле можна зрабіць выснову, што Уладзімір Падаляк служыў у расійскім Галоўным разведвальным упраўленні. На магіле таксама ёсць вянок «Ад калектыву ЦПС» — Цэнтра падрыхтоўкі спецыялістаў ГРУ.
У 2021 годзе Міхаіл Падаляк расказваў, што ягоны брат — «даўно звычайны вайсковы пенсіянер» і жыве ў Расіі з другой паловы 80-х гадоў. Пры гэтым дарадца Зяленскага адзначаў, што не падтрымлівае сувязі з братам — максімум віншаваў яго з днём нараджэння.
Паводле звестак «Вот так», у 2019 годзе Уладзімір Падаляк быў прапісаны ў Маскве па адрасе Вайсковай акадэміі Мінабароны — гэта ўстанова рыхтуе кадры для расійскай вайсковай разведкі.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары
І усё гэта - пасля дзяржаўнага перавароту 1995-1996 года, калі Лукашэнка разагнаў законны парламент, збіў дэпутатаў і выкінуў іх з залі Дома Ураду, развярнуў краіну ў бок інтэграцыі з Расеяй, перапісаў Канстытуцыю, дадаў сабе два гады прэзідэнцкага тэрміну, знішчыў фізічна сваіх апанентаў. Кіраўнік цэнтральнай выбарчай камісіі Віктар Ганчар бясследна знік верасня 1999.
У гэты час яго брат 1965 года нараджэння, меў ўзрост 30-40 гадоў, жыў у Расеі і служыў у расійскім Галоўным разведвальным упраўленні.