Усяго патроху1212

Вядомы блогер расказаў, як за паўгода займеў зайздросныя кубікі на прэсе. Фоты «да» і «пасля» ўражваюць

Вядучы ютуб-канала «ЧестнОК» Яраслаў Пісарэнка падзяліўся ў інстаграме фітнэс-поспехамі — за 5 месяцаў ён скінуў 11 кг і займеў зайздросную мускулатуру. Для «Нашай Нівы» хлопец раскрыў сакрэты перамен.

Фота: pisarenko_jr / Instagram

Яраслаў кажа, што мінулай восенню зразумеў: ягоны лад жыцця далёкі ад здаровага. Складаны псіхалагічны стан — Яраслаў называе гэта крызісам беларуса ў эміграцыі — не спрыяў таму, каб знаходзіць сілы на спорт і адносна здаровае харчаванне. Хлопец прызнаецца, што пачаў «забіваць» на сябе:

«Часта сустракаўся з сябрамі. Там было шмат піва, да піва дадаваліся закускі, таксама не надта здаровыя. Не меў сістэмы ў харчаванні, мог паснедаць толькі кавай — карацей, абы-што.

Мог ударыцца ў працу, толькі каб нечым заняць галаву. Прапускаў спартовыя актыўнасці. Клічуць мяне ў баскет пагуляць ці нешта яшчэ, а я такі — блін, нешта няма настрою, і сядзеў дома».

Бліжэй да снежня Яраслаў зразумеў, што далей так нельга. Ён напісаў у інстаграме аб'яву, што шукае фітнэс-трэнера, і пасля вывучэння варыянтаў вырашыў працаваць з трэнерам Ягорам Емельянавым.

Пачалі з таго, што трэнер склаў для падапечнага план заняткаў у мацоўні — калі туды хадзіць і якія рабіць практыкаванні. Часам Яраслаў здымаў трэніроўкі на відэа і дасылаў Емельянаву, а той выпраўляў памылкі. 

Харчаванне таксама давялося змяняць. Хлопец стаў скідаць трэнеру фоты свайго рацыёну:

«Праз тыдзень-два я зразумеў, што так харчавацца нельга, гэта вельмі шкодна для здароўя. Пачаў паступова ўводзіць добрыя звычкі.

Стаў прачынацца на гадзінку раней, каб быў час выпіць шклянку вады і трохі прайсціся па горадзе. Пасля гэтага раблю сабе сняданак, і не з печыва і кавы, а больш здаровы. Так фарміруецца графік: маўляў, вось у мяне сняданак, потым я абедаю, а потым у мяне мусіць быць пэўная вячэра.

Паступова з'явілася сістэма. Спачатку яна была больш гнуткая, да прыкладу, мог сабе дазволіць трохі піўка. Але апошнія месяц-паўтара вырашыў пабыць толькі на правільным харчаванні, адмовіцца ад алкаголю і тусовак. Зразумеў, як можа працаваць мой арганізм, калі яму не перашкаджаць».

Фінальны вынік хлопца — мінус 11 кг за 5 месяцаў з новым ладам жыцця. І гэта не ўсё: з'явілася шмат энергіі, атрымліваецца хутчэй выконваць працоўныя задачы і пераходзіць да адпачынку. Свае поспехі беларус зафіксаваў у пасце ў інстаграме, дзе размясціў і фота ў новай форме — тое, як на фота адрэагавалі, ён жартаўліва называе «аб'ектывізацыяй» і кажа, што «ўсе былі трохі ў шоку».

Тройчы на тыдзень хлопец мае сілавую трэніроўку, раз на тыдзень займаецца кардыё, таксама часта гуляе ў сквош, можа знайсці час на веласіпед ці на хадзьбу. Але такі расклад, кажа Яраслаў, не мусіць пужаць — усе гэтыя актыўнасці пакрысе ўваходзяць у графік і робяцца яго фонавай часткай.

Яраслаў тлумачыць: каб завесці добрыя звычкі, як у яго прыкладзе, не трэба ні вялікіх грошай, ні шмат часу, клопат пра сябе можна закласці ў любы графік.

«Для мяне гэта стала медытацыяй. Цягам працоўнага дня шмат чаго здараецца, але я ведаю, што ўвечары дакладна буду трэніравацца ў зале, буду слухаць музло і застануся з сабой сам-насам. Раней сябе трохі падштурхоўваў, каб ісці трэніравацца, а цяпер я гэтага чакаю.

Гэтыя змены адбіліся і на працы, і ў іншых сферах жыцця, бо з'явілася шмат энергіі. Так што калі хочаш нешта рабіць, проста трэба гэта зрабіць. Тым больш што насамрэч гэта не так складана, як можа падавацца».

«Наша Нiва» — бастыён беларушчыны

ПАДТРЫМАЦЬ

Каментары12

  • гоблен
    22.06.2024
    Гоблен люто плюсует - здоровый образ жизни и спорт - это очень хорошо! Но они извиняецо: а где вы тут увидели зайздростныя кубікі? ЗК не появляюцо ч/з полгода работы три раза в неделю. До них ещё работать и работать, да и не видно их - лишь наметились жешь!
  • гоблен
    22.06.2024
    Юля, ваши предпочтения сами понимаете :) качки ещё и ноги бреют... И, о ужоснаах, подмышки тожешь
  • Жора
    22.06.2024
    Вось так, незаўважна і ненастойліва, НН піярыць нам рускамоўных "беларусаў" = харошых рускіх = рускі мір і ягоных герояў.

Цяпер чытаюць

З Лондана Мельнікава вылецела на Шры-Ланку, у яе быў каханак спартовага выгляду з Беларусі58

З Лондана Мельнікава вылецела на Шры-Ланку, у яе быў каханак спартовага выгляду з Беларусі

Усе навіны →
Усе навіны

У Маскве актывіст спусціў у Маскву-раку плакат са словамі «Пуцін — Гітлер» і прыкінуўся трупам1

Арыштаваны каліновец Грачыха пакінуў полк праз месяц пасля далучэння7

Улады адправяць у крамы насенную бульбу, каб справіцца з дэфіцытам2

Стала вядома, хто будзе хэдлайнерам канцэрта ў Мінску 9 Мая4

Як цяпер праходзяць допыты на мяжы Беларусі з ЕС і каго на іх выклікаюць4

Польшча абвінаваціла Расію ў беспрэцэдэнтным ўмяшанні ў прэзідэнцкія выбары3

Ва Украіне загінуў камандзір Пскоўскай дывізіі, прызначаны Пуціным менш чым два месяцы таму6

«Добры дзень для Германіі». Рэакцыі нямецкіх партый на правал Фрыдрыха Мерца на выбарах канцлера1

Вайсковы парад 9 мая ў Мінску пройдзе позна вечарам11

больш чытаных навін
больш лайканых навін

З Лондана Мельнікава вылецела на Шры-Ланку, у яе быў каханак спартовага выгляду з Беларусі58

З Лондана Мельнікава вылецела на Шры-Ланку, у яе быў каханак спартовага выгляду з Беларусі

Галоўнае
Усе навіны →

Заўвага:

 

 

 

 

Закрыць Паведаміць