Ва Украіне адкрыўся першы сумесны з нямецкім канцэрнам цэх па рамонце бранятэхнікі
Ва Украіне пачаў працу першы сумесны цэх Украабаронпрама і нямецкага канцэрна Rheinmetall па рамонце бранятэхнікі. Пра гэта паведаміў міністр па пытаннях стратэгічных галін прамысловасці Аляксандр Камышын.
Паводле яго слоў, прадпрыемства дазволіць хутчэй рамантаваць замежную тэхніку «і адпаведна хутчэй вяртаць яе на перадавую».
Акрамя таго, у перспектыве ў цэху, які адкрыўся, будуць вырабляцца новыя ўзоры бранятэхнікі.
Камышын таксама заявіў, што новае прадпрыемства падтрымае ўкраінскую эканоміку: «У цэху працуюць украінскія спецыялісты, пад тэхнічным наглядам калег з Германіі. Падаткі плацяцца ва Украіне». Таксама ён адзначыў, што ўкраінцы атрымліваюць новыя тэхналогіі.
У студзені 2024 года нямецкі зброевы канцэрн заявіў, што пабудуе новы завод па вытворчасці боепрыпасаў, прадукцыю якога будуць атрымліваць УСУ.
Каментары