«ПВК Вагнер» завербавала на вайну ва Украіне ў калоніях 48 тысяч зняволеных. З іх пад Бахмутам загінулі не менш за 17 тысяч
Эмісары Прыгожына наведалі як мінімум 341 з 500 расійскіх калоній.
Заснаваная Яўгенам Прыгожыным «ПВК Вагнер» завербавала на вайну ва Украіне не менш за 48 366 зняволеных, падлічылі «Медыязона» і Руская служба Бі-бі-сі на аснове ўнутраных дакументаў ПВК аб выплатах сем'ям загінулых наёмнікаў.
Ездзіць па калоніях для вярбовак прадстаўнікі «ПВК Вагнера», уключаючы асабіста Прыгожына, пачалі летам 2022 года. Асуджаных, якія пагадзіліся ваяваць, выпускалі пасля сакрэтных указаў Пуціна аб памілаванні. Праз некалькі месяцаў гэта ж стала рабіць Мінабароны Расіі, і да 2023 года «вагнераўцы» спынілі набор зняволеных.
Ва ўнутраных дакументах прыводзіліся нумары жэтонаў «вагнераўцаў». Як паказаў аналіз «Медыязоны» і «Бі-бі-сі», для зняволеных яны былі па адным прынцыпе: ім прысвоілі асобную серыю «К», да якой дадавалі парадкавы нумар калоніі і нумар зняволенага.
Большасць «вагнераўцаў» загінула ў баях за Бахмут.
Там «ПВК Вагнера» страціла загінулымі 19,5 тысяч чалавек, 17,1 тысяч з якіх — гэта зняволеныя, а 2,4 тысячы — «вольныя» наёмнікі. За гэты час «ПВК Вагнера» выдаткавала на выплаты сем'ям загінулых наймітаў каля 108 млрд расійскіх рублёў (12 млн даляраў, з іх сваякам завербаваных зняволеных накіравалі 92,5 млрд расійскіх рублёў.
«Медыязона» і Бі-бі-сі ўсталявалі 341 калонію з 501, якія згадваліся ў жэтонах завербаваных зняволеных. З іх 227 калоній, якія наведалі вярбоўшчыкі, гэта строгі рэжым. Адтуль на вайну забралі 33 тысячы зняволеных. З іх 21 тысяча перажыла Бахмут і вярнулася назад у Расію.
Атрады Прыгожына таксама пабывалі як мінімум у 75 калоніях агульнага рэжыму і ў 28 калоніях асаблівага рэжыму. Пад канец зняволеных сталі вербаваць у калоніях-паселішчах і лячэбных установах.
Сам Прыгожын у маі 2023 года, незадоўга да бунту, у інтэрв'ю Z-блогеру Канстанціну Даўгову прызнаў сапраўдную лічбу страт сваёй ПВК — 20 тысяч чалавек. Пры гэтым ён схлусіў, што зняволеных загінула «роўна столькі ж», колькі звычайных кантрактнікаў.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве4
Каментары
Было б паказальна ўбачыць, колькі з 21К ацалелых оркаў вярнуліся ў калоніі пасля рэцыдываў.