Затрымалі беларускамоўнага вядучага і дырэктара крэатыўнага агенцтва Андрэя Паплаўскага
Прычынай сталі фота з сацсетак.
Затрыманага зваць Андрэй Паплаўскі. Яму 33 гады. Вядома, што шмат гадоў мужчына займаецца арганізацыяй мерапрыемстваў. Ягоная кампанія ААТ «Ап Івэнт» ёсць у рэестры арганізатараў культурна-відовішчных мерапрыемстваў. У тэлеграме ён падпісаны як «Беларускамоўны вядучы», ягонае агенцтва таксама прапануе мерапрыемствы на беларускай мове.
З раскладу судоў відаць, што суд над чалавекам з такім жа іменем адбыўся 22 сакавіка 2024. Артыкул, па якім судзілі мужчыну — «парушэнне парадку арганізацыі або правядзення масавых мерапрыемстваў».
Губазікаўцы дэманструюць нейкія допісы з сацсетак мужчыны, якія не цягнуць на крыміналку — хутчэй абыгрыванне жартаў з 2020 года. Таксама паказваецца, быццам ён перасылаў нейкія артыкулы з незалежных медыя сваім сябрам. За што яго затрымалі цяпер (калі гэта паўторнае затрыманне), да канца незразумела.
Палітвязня з Ліды асудзілі за «абразы» чыноўнікаў і «ўдзел у экстрэмісцкім фармаванні» і далі гіганцкі штраф
Затрымалі адміністратара чата беларусаў Шры-Ланкі. За чат на 90 чалавек яму пагражаюць крыміналкай
Прадпрымальніка, якога затрымалі па вяртанні з-за мяжы, асудзілі да дзевяці гадоў калоніі за данаты
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары