Нядаўна паведамлялася, што ў Полацку судзяць чэмпіёна Беларусі па кікбоксінгу Іпаліта Служэнку. Цяпер высветлілася, за што, піша тэлеграм-канал «Віцебск, я гуляю!»
3 студзеня гэтага года ноччу, будучы нападпітку, кікбаксёр пабіўся з незнаёмым хлопцам недалёка ад мясцовага бара.
На бойку прыбеглі сілавікі. Служэнка нанёс удар кулаком аднаму з амапаўцаў, ды так, што ў таго зляцеў берэт. Хлопца скруцілі, а экспертыза паказала ў яго ап'яненне ў 1,8‰.
У ізалятары Іпаліт быў тры дні, а затым яшчэ на 5 дзён яму далі ўтрыманне пад вартай.
Судзілі Іпаліта ў першай палове красавіка па двух артыкулах (гвалт у дачыненні да супрацоўніка сілавых структур і хуліганства), але надта строга караць не сталі — далі два гады «хіміі». Вызвалілі чэмпіёна адразу ж у будынку суда.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары