Niadaŭna paviedamlałasia, što ŭ Połacku sudziać čempijona Biełarusi pa kikboksinhu Ipalita Słuženku. Ciapier vyśvietliłasia, za što, piša telehram-kanał «Viciebsk, ja hulaju!»
3 studzienia hetaha hoda nočču, budučy napadpitku, kikbaksior pabiŭsia ź nieznajomym chłopcam niedaloka ad miascovaha bara.
Na bojku prybiehli siłaviki. Słuženka nanios udar kułakom adnamu z amapaŭcaŭ, dy tak, što ŭ taho źlacieŭ bieret. Chłopca skrucili, a ekśpiertyza pakazała ŭ jaho apjanieńnie ŭ 1,8‰.
U izalatary Ipalit byŭ try dni, a zatym jašče na 5 dzion jamu dali ŭtrymańnie pad vartaj.
Sudzili Ipalita ŭ pieršaj pałovie krasavika pa dvuch artykułach (hvałt u dačynieńni da supracoŭnika siłavych struktur i chulihanstva), ale nadta stroha karać nie stali — dali dva hady «chimii». Vyzvalili čempijona adrazu ž u budynku suda.
Kamientary