Усяго патроху2020

Жанаты мужчына быў з Сабаленкай у Штутгарце, і яму можна ёй класці руку ніжэй за талію

Арыну Сабаленку зноў пабачылі з невядомым мужчынам. Ён дазволіў сабе даволі інтымныя свавольствы ў адносінах да спартсменкі, што і прыцягнула ўвагу журналістаў «Трыбуны». 

На мінулым тыдні Арына Сабаленка на адзін з трэнінгаў у Штутгарце, дзе праходзіў турнір WTA, прыехала ў кампаніі мужчыны. Ён спачатку чакаў, пакуль спартсменка адпрацуе заняткі, а потым яны разам сышлі ў абдымках.

Спадарожнікам другой ракеткі свету ў той дзень аказаўся Фабіяна Дзанэці Маньяні — качок і прадпрымальнік, які жыве ў Бразіліі і зʼяўляецца суўласнікам кампаніі Oakberry, чыя спецыялізацыя — карысная ежа. 

У Штутгарце Сабаленка вылецела ў чвэрцьфінале. Цяпер яна ўжо знаходзіцца ў Мадрыдзе, дзе стартавала кваліфікацыя іншага буйнога турніру. Арганізатары выклалі ў сябе ў сацсетках відэа з прыездам Сабаленкі. 

І ўвагу журналістаў «Трыбуны» прыцягнула, як нейкі мужчына паклаў ёй руку на месца, што ніжэй таліі — і тэнісістка ніяк на гэта не адрэагавала.

Журналісты высветлілі, што нахабнік таксама звязаны з кампаніяй Oakberry, але гэта не Маньяні.

Гэты мужчына ўжо быў побач з Сабаленкай, але адразу яго апазнаць не ўдалося. Арганізатары турніру ў Штутгарце выкладалі ролік, як тэнісістка заязджала ў гатэль.

З ёй з машыны тады выйшаў мужчына з вельмі характэрнымі татуіроўкамі.Такія ж татуіроўкі на руцэ таго, хто абдымае спартсменку ў Мадрыдзе.

Як даведаліся журналісты, ужо другі раз на публіцы Сабаленку суправаджае Георгіас Франгуліс.

Яму 34, і ён, як і Маньяні, таксама сузаснавальнік Oakberry. Сабаленка з пачатку гэтага года зʼяўляецца рэкламным тварам фірмы.

Пра Франгуліса ў асноўным вядома тое, што ён сам пра сябе распавёў сем месяцаў таму ў інтэрвʼю бразільскаму Forbes — выданне зацікавіў бізнес на здаровым харчаванні.

Прадпрымальнік мае грэчаскія карані. Вучыўся ў Бразіліі ва ўніверсітэце на юрыста, аднак не стаў здаваць іспыты і дамагацца дыплома — проста вельмі хацеў узяцца за ўласную справу.

Дзеля гэтага пераехаў у Маямі (сёння там якраз жыве Сабаленка), спрабаваў займацца нерухомасцю, але затым звярнуў увагу на цікавасць амерыканцаў да здаровай ежы — і пераключыўся на гэты кірунак.

Сёння Oakberry — гэта і ўласныя пункты продажаў, і франшыза. Геаграфія — Аўстралія, Іспанія, Партугалія, ЗША, Саудаўская Аравія і іншыя краіны.

@nashaniva Арыну Сабаленку пабачылі з новым мужчынам, і ён клаў ёй руку ніжэй за талію #беларусь #белорусы #новостибеларуси #беларускаямова #аринасоболенко #теннис ♬ TRANSGENDER (PEARL WHITE VIP) - PEARL WHITE

Пераломным Франгуліс называе 2016 год. Расказвае, што ў жніўні доктар звярнуў увагу на буйны лімфавузел і дыягнаставаў рак шчытападобнай залозы. У кастрычніку Франгуліс справіў вяселле, а праз два тыдні паспяхова перанёс аперацыю. Ну а 6 снежня адкрыў першы пункт продажу.

Мужчына займаецца аўтамабільнымі гонкамі — у Бразіліі ўдзельнічае ў Кубку выкліку «Поршэ» (беларуска як раз марыць пра такую машыну) у якасці пілота. Калі верыць спецыялізаваным сайтам, у яго здараліся і перамогі.

Сацсеткі Франгуліса відавочна цікавяць Сабаленку — яна адлайкала там усе пасты, якія зʼявіліся пасля 26 мая 2023 года.

Але першае фота без рэакцыі спартсменкі — тое, на якім прадпрымальнік сфатаграфаваны з жонкай. Здымак падпісаны: «Дзень самага прыгожага сэрца, дзень кахання ўсяго майго жыцця».

Франгуліс нібыта часта ходзіць у царкву, бо лічыць карысным размаўляць з Богам.

На целе мужчыны шмат татуіровак — у асноўным, на рэлігійную тэматыку. На грудзях і на спіне — распяцці. На біцэпсе правай рукі — надпіс «Змагайся за нас, воін святы Георгій», на перадплеччы — «Гасподзь — мой пастыр, і я не буду мець патрэбу». На левай выбіты, як кажа Франгуліс, яго галоўны дэвіз — Ora et Labora («Маліся і працуй» — формула ад бенедыктынцаў). У раёне сэрца на нямецкай мове зроблены надпіс «Ойча наш».

Зрэшты, калі яшчэ раз зірнуць на руку са скрына мадрыдскага відэа, то можна адшукаць яшчэ адну дасылку да Нямеччыны.

У некаторых субкультурах з дапамогай лічбаў 88 шыфруецца нацысцкае вітанне. Лічбы азначаюць парадкавы нумар першых літар слоў вітання ў лацінскім алфавіце.

Зрэшты, невядома, што Франгуліс хацеў сказаць сваёй татуіроўкай. Як і цяжка зразумець, якія адносіны сёння яго звязваюць з Сабаленкай.

Каментары20

  • Чырвона зялёеыя лініі (о)маралі
    23.04.2024
    Ніжэй ватэрлініі , а ўсё пачалося з яе візіта на шабаш у палац да аднаго тутэйшана барона мільярдэра.
  • Абармот
    23.04.2024
    Учитывая то, что Соболенко оправдывает войну и репрессии, тяга к женатым мужчинами не самый большой её грех. Парню только б кто посоветовал не селиться выше 3 этажа
  • Axel Justas
    23.04.2024
    Нецікава. Ёй на Беларусь і беларусаў нас...ць, мае права - але і мне на яе н...ць з вялікай калакольні.

Цяпер чытаюць

Што стала прычынай смерці трох работнікаў «Беларуснафты» падчас рамонту на трасе

Што стала прычынай смерці трох работнікаў «Беларуснафты» падчас рамонту на трасе

Усе навіны →
Усе навіны

Музыканты выдаляюць сваю музыку са Spotify, бо ён спансаруе кампанію, якая вырабляе тысячы дронаў для Украіны26

«Гэта своеасаблівае партнёрства». Трамп заключыў здзелку, па якой краіны Еўропы абавязаны плаціць тарыф 15%8

У Германіі сышоў з рэек пасажырскі цягнік. Ёсць загінулыя1

Праз Сонечную сістэму ляціць аб'ект, паводзіны якога нагадваюць кіраваны касмічны карабель18

Расійскі дрон атакаваў рэйсавы аўтобус у Сумскай вобласці. Ёсць ахвяры3

У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога4

Фларэнцыю назвалі найлепшым горадам Еўропы для турызму2

Найбуйнейшая сетка фастфуду ў свеце, пра якую амаль не ведаюць на Захадзе1

Былы палітвязень Сяргей Шэлег параўнаў Валадарку з гасцініцай у Эфіопіі. Кажа, гэта дапамагло ўспрыняць рэальнасць1

больш чытаных навін
больш лайканых навін

Што стала прычынай смерці трох работнікаў «Беларуснафты» падчас рамонту на трасе

Што стала прычынай смерці трох работнікаў «Беларуснафты» падчас рамонту на трасе

Галоўнае
Усе навіны →

Заўвага:

 

 

 

 

Закрыць Паведаміць